മസ്കറ്റ്: അല്‍ വുസ്ത ഗവര്‍ണറേറ്റില്‍ അനധികൃത മത്സ്യബന്ധനം നടത്തിയ പ്രവാസികള്‍ പിടിയില്‍. 30-ലധികം പ്രവാസികളെയാണ് അറസ്റ്റ് ചെയ്തതെന്ന് ഒമാന്‍ കൃഷി, മത്സ്യബന്ധനം, ജലവിഭവ മന്ത്രാലയം (MAFWR) സുല്‍ത്താനേറ്റ് അറിയിച്ചു.
ലൈസന്‍സില്ലാത്ത ഏഴ് മത്സ്യബന്ധന ബോട്ടുകള്‍ പിടിച്ചെടുക്കുകയും ചെയ്തിട്ടുണ്ട്.
‘അല്‍ വുസ്ത ഗവര്‍ണറേറ്റിലെ ഫിഷറീസ് കണ്‍ട്രോള്‍ ടീം, ദുഖിലെ കോസ്റ്റ് ഗാര്‍ഡ് യൂണിറ്റുമായി സഹകരിച്ച്‌, ദുഖ്മിലെയും മാഹൂട്ടിലെയും വിലായത്തുകളില്‍ 24 പ്രവാസി തൊഴിലാളികളെ അറസ്റ്റ് ചെയ്യുകയും 12 പ്രവാസി തൊഴിലാളികളെ ദുഖിലെ വിലായത്തില്‍ നിന്ന് അറസ്റ്റ് ചെയ്യുകയും ചെയ്തു. ലൈസന്‍സില്ലാതെ മീന്‍പിടുത്തം നടത്തുകയായിരുന്നു അവര്‍’ അല്‍ വുസ്ത ഗവര്‍ണറേറ്റിലെ കൃഷി, ഫിഷറീസ്, ജലവിഭവ മന്ത്രാലയത്തിന്റെ ഡയറക്ടറേറ്റ് ജനറല്‍ പറഞ്ഞു.
ലൈസന്‍സില്ലാത്ത ഏഴ് മത്സ്യബന്ധന ബോട്ടുകള്‍ പിടികൂടാനും സംഘത്തിന് കഴിഞ്ഞു. നിയമലംഘകര്‍ക്കെതിരെ നിയമനടപടികള്‍ സ്വീകരിച്ചുവരികയാണ്.
