കുവൈത്ത് സിറ്റി: മലയാളം മിഷൻ കുവൈത്ത് ചാപ്റ്ററിന്റെ നേതൃത്വത്തില് നടക്കുന്ന പഠനോത്സവം വെള്ളിയാഴ്ച അബ്ബാസിയ യുനൈറ്റഡ് ഇന്ത്യൻ സ്കൂളില് നടക്കും.
രാവിലെ 8.30ന് പരിപാടി ആരംഭിക്കും. കുവൈത്തില് മലയാളം മിഷന്റെ നേതൃത്വത്തില് ക്ലാസുകള് നടത്തിവരുന്ന കല കുവൈത്ത്, എസ്.എം.സി.എ, ഫോക് കണ്ണൂർ, സാരഥി കുവൈത്ത്, കെ.കെ.സി.എ, എൻ.എസ്.എസ്, പാല്പക് എന്നീ മേഖലകളില് നിന്നുള്ള കുട്ടികളാണ് പഠനോത്സവത്തില് പങ്കെടുക്കുന്നത്. കണിക്കൊന്ന, സൂര്യകാന്തി, ആമ്ബല് എന്നീ ഡിപ്ലോമ കോഴ്സുകളിലേക്കുള്ള പഠനോത്സവമാണ് സംഘടിപ്പിച്ചിരിക്കുന്നത്. പഠനോത്സവത്തിലാകെ 1200 കുട്ടികള് 36 ക്ലാസുകളിലായി പങ്കെടുക്കും. വെള്ളിയാഴ്ച നടക്കുന്ന പഠനോത്സവത്തിന്റെ ഭാഗമായി മലയാളം മിഷൻ കുവൈത്ത് ചാപ്റ്റർ നേതൃത്വത്തില് രൂപവത്കരിച്ചിട്ടുള്ള വിവിധ കമ്മിറ്റികള് പ്രവർത്തനങ്ങള് നടത്തിവരുന്നുവെന്ന് മലയാളം മിഷൻ കുവൈത്ത് ചാപ്റ്റർ പ്രസിഡന്റ് സനല് കുമാറും സെക്രട്ടറി ജെ.സജിയും അറിയിച്ചു. മലയാളം മിഷൻ അധ്യാപകൻ സതീഷിന്റെ നേതൃത്വത്തില് വിവിധ ഘട്ടങ്ങളായി പഠനോത്സവത്തിന് ആവശ്യമായ പരിശീലനം നടത്തി.