ന്യൂഡല്ഹി: മുസ്ലിംകള്ക്കെതിരെ വിദ്വേഷ പ്രസ്താവനയുമായി ബി.ജെ.പി എം.പി രമേശ് ബിധൂരി. ജെ.എന്.യുവില് ആര്.എസ്.എസ് ‘മലബാര് ഹിന്ദു വംശഹത്യ’ എന്ന തലക്കെട്ടില് സംഘടിപ്പിച്ച ചടങ്ങിലാണ് വിദ്വേഷ പ്രസംഗം.
”മുസ്ലിംകള് ഭൂരിപക്ഷമുള്ളിടത്തെല്ലാം ആക്രമണങ്ങളുണ്ട്. രക്തച്ചൊരിച്ചിലുണ്ട്. എന്നാല് മുസ്ലിംകള് ന്യൂനപക്ഷമുള്ളിടത്ത് അവര് മനുഷ്യാവകാശങ്ങളെക്കുറിച്ച് സംസാരിക്കും. പാകിസ്താന് പ്രധാനമന്ത്രി ഇമ്രാന് ഖാന് ന്യൂനപക്ഷങ്ങളെക്കുറിച്ച് വാചാലനാകുന്നുണ്ട്. എന്നാല് പാകിസ്താനിലെ ഹിന്ദുക്കള് എവിടെപ്പോയി?. കേരളത്തിലും ജെ.എന്.യുവിലും ഭാരതത്തെ വെട്ടിമുറിക്കാനുള്ള മുദ്രാവാക്യങ്ങള് ഉയരുന്നുണ്ട്. അവരുടെ ഞരമ്ബുകളില് ഇന്ത്യന് രക്തമില്ല. ഔറം ഗസേബിന്റെയും ബാബറിന്റെയും രക്തമാണുള്ളത്. കേരളത്തിലെ കമ്യൂണിസ്റ്റ് പാര്ട്ടി രാജ്യദ്രാഹികളാണ്” – രമേശ് ബിധൂരി പറഞ്ഞു.
മുതിര്ന്ന ആര്.എസ്.എസ് നേതാവ് ജെ.നന്ദകുമാര്, ബി.ജെ.പി നേതാവ് കപില് മിശ്ര, ഐ.സി.സി.ആര് അധ്യക്ഷന് ഡോ. വിനയ് സഹസ്രബുദ്ദെ അടക്കമുള്ളവര് പങ്കെടുത്ത ചടങ്ങിലാണ് ബിധൂരിയുടെ വിദ്വേഷ പ്രസംഗം.