മസ്കത്ത്: കോവിഡ് പ്രതിസന്ധി കാരണം വന്‍ സാമ്ബത്തിക പ്രതിസന്ധി നേരിടുന്ന നിലവിലെ ഘട്ടത്തില്‍ രക്ഷിതാക്കള്‍ക്ക് ആശ്വാസവുമായി ഇന്ത്യന്‍ സ്കൂള്‍ ഡയറക്ടര്‍ ബോര്‍ഡ്.
സാമ്ബത്തിക പ്രയാസം അനുഭവിക്കുന്ന രക്ഷിതാക്കള്‍ക്ക് ഫീസിളവ് അടക്കമുള്ള സഹായങ്ങള്‍ നല്‍കാനാണ് ബോര്‍ഡ് തീരുമാനിച്ചത്. 2021-2022 അധ്യയന വര്‍ഷത്തിലെ തിരിച്ചുകിട്ടാത്ത ഇന്‍ഫ്രാസ്ട്രക്ചര്‍ ഫണ്ട് പൂര്‍ണമായി ഒഴിവാക്കാന്‍ സ്കൂള്‍ ഡയറക്ടര്‍ ബോര്‍ഡ് െഎകകണ്ഠ്യേന തീരുമാനിച്ചു.
നടപ്പ് അധ്യയന വര്‍ഷക്കാലത്തേക്ക് ഇന്‍ഫ്രാസ്ട്രക്ചര്‍ ഫീസ് നേരേത്ത അടച്ചവരുടെ തുകകള്‍ സ്കൂള്‍ ഫീസില്‍ ഉള്‍പ്പെടുത്തും. നിലവില്‍ രക്ഷിതാക്കളില്‍ പലരും അനുഭവിക്കുന്ന സാമ്ബത്തിക പ്രതിസന്ധികള്‍ പരിഗണിച്ചാണ് ഇന്‍ഫ്രാസ്ട്രക്ചര്‍ ഫീസ് ഒഴിവാക്കിയതെന്ന് സ്കൂള്‍ ഡയറക്ടര്‍ ബോര്‍ഡ് വക്താവ് പറഞ്ഞു. സാമ്ബത്തിക പ്രയാസങ്ങള്‍ അനുഭവിക്കുന്ന രക്ഷിതാക്കളെ സഹായിക്കാനായി ഡയറക്ടര്‍ ബോര്‍ഡ് നിരവധി നടപടികള്‍ നടപ്പാക്കുന്നുണ്ട്. ഇതിെന്‍റ ഭാഗമായി നിലവിലെ സ്കൂള്‍ ഫീസിളവ് തുടരുന്നതോടൊപ്പം കോവിഡ് പ്രതിസന്ധി കാരണം പ്രയാസങ്ങള്‍ അനുഭവിക്കുന്നവരും ഫീസിളവിെന്‍റ പരിധിയില്‍ വരും.
അതോടൊപ്പം മൂന്നു മാസത്തില്‍ ഒരിക്കല്‍ ഒരുമിച്ച്‌ ഇൗടാക്കുന്ന ട്യൂഷന്‍ ഫീസ് മാസം തോറും അടക്കാനും രക്ഷിതാക്കള്‍ക്ക് സൗകര്യം നല്‍കി. ഇൗ മാസം ആദ്യവാരം മുതല്‍ ഒമാനിലെ ഇന്ത്യന്‍ സ്കൂളുകളില്‍ 18 മാസത്തെ ഇടവേളക്കുശേഷം തുറക്കുകയാണ്. സ്കൂള്‍ കാമ്ബസില്‍ വീണ്ടുമെത്തുന്നതിെന്‍റ ആവേശത്തിലാണ് കുട്ടികളും രക്ഷിതാക്കളും.
കുട്ടികളെ സ്കൂളില്‍ അയക്കുന്നതിന് രക്ഷിതാക്കള്‍ക്ക് ഏറെ സന്തോഷമുണ്ടെങ്കിലും യൂനിഫോം, ട്രാന്‍സ്പോര്‍ട്ട് എന്നിവക്ക് അവര്‍ പണം ചെലവിടേണ്ടതുണ്ട്. കഴിഞ്ഞ 18 മാസമായി സ്കൂള്‍ അടഞ്ഞുകിടക്കുന്നതിനാല്‍ രക്ഷിതാക്കള്‍ക്ക് യൂനിഫോം അടക്കം എല്ലാ പഠനോപകരണങ്ങളും വീണ്ടും വാങ്ങേണ്ടിവരും. ഇൗ ഇനത്തില്‍ നല്ലൊരു സംഖ്യതന്നെ ചെലവിടേണ്ടിവരും. ഇതു പരിഗണിച്ച്‌ വ്യാപാര സ്ഥാപനങ്ങള്‍ സ്കൂള്‍ ഉല്‍പന്നങ്ങള്‍ക്കു മാത്രമായി ഒാഫറുകളും പ്രഖ്യാപിച്ചിട്ടുണ്ട്. ഇത്തരം ഉല്‍പന്നങ്ങള്‍ വില്‍ക്കുന്ന സ്ഥാപനങ്ങളിലും തിരക്ക് അനുഭവപ്പെടാനും തുടങ്ങിയിട്ടുണ്ട്.
