മസ്കത്ത് : ഐ പി എല്ലിന് ശേഷം ട്വന്റി20 ലോകകപ്പ് ആവേശത്തിലേക്ക് ആരാധകര് .ഒമാനിലും യുഎഇയിലുമായി ഒക്ടോബര് 17 മുതല് നവംബര് 14 വരെയാണ് ടൂര്ണമെന്റ് നിശ്ചയിച്ചിട്ടുള്ളത് . ഗ്രൂപ്പ് മത്സരങ്ങള്ക്കാണ് ഒമാന് വേദിയാകുന്നത്.
ഇന്ത്യയില് നടക്കേണ്ടിയിരുന്ന ലോകകപ്പ് കോവിഡ് മഹാമാരിയുടെ പശ്ചാത്തലത്തില് യുഎഇയിലും ഒമാനിലുമായി നടത്താന് ബിസിസിഐ തീരുമാനിക്കുകയായിരുന്നു. ലോകകപ്പിനെ വരവേല്ക്കുന്നതിനായി ഒമാനില് സജ്ജീകരണങ്ങള് പൂര്ത്തിയാക്കിയിട്ടുണ്ട്. ബിസിസിഐയുടെ പ്രത്യേക സംഘം സംഘാടനത്തിനായി ഒമാനില് സജീവമാണ് .
ഒമാന്,ശ്രീലങ്ക, ബംഗ്ലദേശ്, അയര്ലന്ഡ്, നെതര്ലന്ഡ്സ്, സ്കോട്ലന്ഡ്, നമീബിയ, പാപുവ ന്യൂഗിനി എന്നീ 8 ടീമുകള് പങ്കെടുക്കുന്ന ഗ്രൂപ്പ് ഘട്ട മത്സരങ്ങള് ഒക്ടോബര് 17 മുതല് മസ്കത്തിലെ ആമിറാത്തില് ഒമാന് ക്രിക്കറ്റ് അക്കാദമി ഗ്രൗണ്ടില് അരങ്ങേറും . രണ്ട് ഗ്രൂപ്പുകളിലായി നടക്കുന്ന 12 കളികള്ക്കു ശേഷം ഓരോ ഗ്രൂപ്പില്നിന്നും രണ്ടു ടീമുകള് വീതം അടുത്ത ഘട്ടത്തിലേക്ക് (സൂപ്പര് 12) യോഗ്യത നേടും. ഒക്ടോബര് 24 മുതല് യു എ ഇയില് ആണ് സൂപ്പര് 12 റൗണ്ട് മത്സരങ്ങള്.
നാളെ നടക്കുന്ന ആവേശോജ്വലമായ മത്സരത്തില് ഉച്ചക്ക് പ്രാദേശിക സമയം രണ്ട് മണിക്ക് ഒമാന് ന്യൂ ഗനിയയെ നേരിടും. വൈകിട്ട് ആറു മണിക്ക് ബംഗ്ലദേശ് സ്കോട്ട്ലാന്ഡിനെ നേരിടും. മത്സരങ്ങളില് കാണികളെ അനുവദിക്കുമെന്നാണ് റിപ്പോര്ട്ട് .
കോവിഡ് പ്രതിരോധ വാക്സീന് സ്വീകരിച്ച 2,500 മുതല് 3,000 വരെ കാണികള്ക്ക് ഒരു മത്സരത്തില് പ്രവേശനമുണ്ടാകുമെന്ന് ഒമാന് ക്രിക്കറ്റ് അസോസിയേഷന് ചീഫ് ഡവലപ്മെന്റ് ഓഫീസര് ദുലീപ് മെന്ഡിസ് അറിയിച്ചു..