ലണ്ടന്: ബ്രിട്ടനില് മന്ത്രിയ്ക്കും പ്രജയ്ക്കുമൊക്കെ ട്രാഫിക് നിയമങ്ങള് ഒരു പോലെയാണ്. അവിടെ മന്ത്രിമാരുടെ വാഹനവ്യൂഹമായാലും ഇളവില്ല . അത് പ്രധാനമന്ത്രിയായായാലും ശരി. സീറ്റ് ബെല്റ്റ് ധരിക്കാത്തതിന് റിഷി സുനാക് വരെ പിഴ കൊടുക്കേണ്ടിവന്നു. ഇപ്പോഴിതാ അമിത വേഗതയില് വാഹനം ഓടിച്ചതിനെ തുടര്ന്ന് ഇമിഗ്രേഷന് മന്ത്രി റോബര്ട്ട് ജെന്റിക്കിന് ആറു മാസത്തേക്ക് വാഹനമോടിക്കുന്നതിന് വിലക്ക് ലഭിച്ചിരിക്കുകയാണ്. ഒപ്പം 1639 പൗണ്ട് പിഴയും. കഴിഞ്ഞ ആഗസ്തില് നോര്ത്താംപ്ടണിന് അടുത്തുള്ള എം 1 റോഡില് 40 മൈല് (64 കി.മീ) മേഖലയില് 68 മൈല് (109 കി.മീ) വേഗതയില് വാഹനമോടിച്ചതിനാണ് വിലക്ക്.
നോട്ടിങ്ഹാം ഷെയറിലെ നെവാര്ക്കില് നിന്നുള്ള എംപിയാണ് ഇദ്ദേഹം. നോര്ത്താംപ്ടണ് മജിസ്ട്രേറ്റ് കോടതിയാണ് വിലക്ക് ഏര്പ്പെടുത്തിയത്. ഇന്നലെ നടന്ന ക്ലോസ്ഡ് ഹിയറിങ്ങില് മൊത്തം 1639 പൗണ്ട് പിഴയായി അടയ്ക്കാനും കോടതി ഉത്തരവിട്ടു. 1107 പൗണ്ട് പിഴയും 442 പൗണ്ട് സര്ചാര്ജും 90 പൗണ്ട്ചെലവും ഉള്പ്പെടെയാണ് പിഴ അടയ്ക്കേണ്ടത്. ലാന്ഡ് റോവര് കാറാണ് മന്ത്രി ഓടിച്ചിരുന്നത്. ലിസ് ട്രസ് മന്ത്രിസഭയില് ആരോഗ്യമന്ത്രി, ബോറിസ് ജോണ്സണ് മന്ത്രിസഭയില് സ്റ്റേറ്റ് സെക്രട്ടറി എന്നീ നിലകളില് 41 കാരനായ റോബര്ട്ട് ജെന്റിക്ക് പ്രവര്ത്തിച്ചിട്ടണ്ട്.