മസ്കത്ത്: യുനൈറ്റഡ് തലശ്ശേരി സ്പോര്ട്സ് ക്ലബ് (യു.ടി.എസ്.സി) ഇഫ്താര് സംഗമം സംഘടിപ്പിച്ചു. ഹഫാ ഹൗസ് ഹോട്ടലില് നടന്ന പരിപാടിയില് സമൂഹത്തിലെ നാനാ തുറകളില് നിന്നുള്ളവര് പങ്കെടുത്തു.
ഏഷ്യന് ഹോക്കി ഫെഡറേഷന്റെ വൈസ് ചെയര്മാനായി നിയമിതനായ ഒമാന് ഹോക്കി അസോസിയേഷന് ചെയര്മാന് ഡോ. മര്വാന് ജുമാ അല് ജമായെ ചടങ്ങില് ആദരിച്ചു. ഇന്ത്യന് എംബസി സെക്കന്ഡ് സെക്രട്ടറി അനൂപ് ബിജിലി, യുണൈറ്റഡ് തലശ്ശേരി സ്പോര്ട്സിലെ ലിജിഹാസ് ഉസൈന്, ഡോ. മര്വാന്റെ നേട്ടത്തെ അഭിനന്ദിച്ചു. ഈ അംഗീകാരം ലഭിച്ചതില് അഭിമാനമുണെനും ഇത് കേവലം വ്യക്തിപരമ്മല്ല, ഒമാന് ഹോക്കി അസോസിയേഷന്റെ നേട്ടമാണെന്ന് സ്വീകരണത്തിന് നന്ദി പറഞ്ഞ് മര്വാന് ജുമാ അല് ജമ പറഞ്ഞു.
ഇന്ത്യയില് നടന്ന സി.ബി.എസ്.ഇ ദേശീയ അത്ലറ്റിക് മീറ്റിലെ മികച്ച നേട്ടത്തിന് മന്ഹ മറിയത്തെയും ചടങ്ങില് ആദരിച്ചു. 4×100 മീറ്റര് റിലേയില് ഇന്ത്യന് സ്കൂള് മസ്കത്ത് വിദ്യാര്ഥിനിയായ തലശ്ശേരി സ്വദേശി മന്ഹ മറിയം സ്വര്ണം നേടിയിരുന്നു.