കുവൈത്ത് സിറ്റി: രാജ്യത്തെ 60 തികഞ്ഞ ബിരുദധാരികള് അല്ലാത്ത വിദേശികളുടെ ഇഖാമ പുതുക്കി നല്കേണ്ടെന്ന തീരുമാനമെടുത്ത മാന്പവര് അതോറിറ്റി ഡയറക്ടര് ജനറല് അഹമ്മദ് അല് മൂസയെ വാണിജ്യ-വ്യവസായ മന്ത്രി ഡോ.അബ്ദുല്ല അല് സല്മാന് സസ്പെന്ഷന് .
3 മാസമോ അന്വേഷണം പൂര്ത്തിയാകും വരെയോ ആണ് സസ്പെന്ഷന്. ഈ വിഭാഗത്തിന് ഇഖാമ പുതുക്കി നല്കേണ്ടെന്ന തീരുമാനം നിയമവിരുദ്ധമാണെന്ന് ഫത്വ- നിയമനിര്മാണ സമിതി കണ്ടെത്തിയ പശ്ചാത്തലത്തിലാണ് ഡയറക്ടര്ക്ക് സസ്പെന്ഷന്.
അതെ സമയം ഈ വിഭാഗത്തിന് ഇഖാമ പുതുക്കി നല്കുന്നതിന് താമസിയാതെ തീരുമാനമുണ്ടാകും. നിലവില് കുവൈത്തില് കഴിയുന്നവര്ക്കാകും ഇഖാമ പുതുക്കി നല്കുക. ജനുവരി 1ന് പ്രാബല്യത്തില് വന്ന നിരോധനത്തിന്റെ അടിസ്ഥാനത്തില് ഇതിനകം 5000 ലേറെ പേര് കുവൈത്ത് വിട്ടിട്ടുണ്ട്. ഇഖാമ കാലാവധി കഴിഞ്ഞതിനെ തുടര്ന്ന് 3 മാസം കാലപരിധിയില് താത്കാലിക ഇഖാമയില് കുവൈത്തില് തുടരുന്നവരുണ്ട് .