മസ്കത്ത്: 51ാം ദേശീയ ദിനത്തോടനുബന്ധിച്ച്‌ ‘മെയ്ഡ് ഇന്‍ ഒമാന്‍’ ബസുകളുടെ ഒന്നാംബാച്ച്‌ നിരത്തിലിറങ്ങി. ദുകം സ്പെഷല്‍ ഇക്കണോമിക് സോണിലെ കര്‍വ മോട്ടാഴ്സിന്റെ റ നിര്‍മാണ യൂനിറ്റില്‍നിന്നാണ് ബസുകള്‍ പരീക്ഷണാര്‍ഥം നിരത്തിലിറങ്ങിയത്. ഒമാന്‍-ഖത്തര്‍ സംയുക്ത സംരംഭമാണ് ബസ് നിര്‍മാണ പദ്ധതിക്ക് നിക്ഷേപമിറക്കുന്നത്. ഇൗ വര്‍ഷം അവസാനത്തോടെ 200 ബസുകള്‍ നിരത്തിലിറക്കുമെന്ന് നേരത്തെ കമ്ബനി അധികൃതര്‍ പ്രഖ്യാപിച്ചിരുന്നു. സ്കൂളുകള്‍ക്കും വിദ്യാഭ്യാസ സ്ഥാപനങ്ങള്‍ക്കും ആവശ്യമായ ബസുകളുടെ നിര്‍മാണമാണ് കമ്ബനി പ്രാഥമിക തലത്തില്‍ ലക്ഷ്യമിടുന്നത്.
ഒന്നാംഘട്ടത്തില്‍ വര്‍ഷംതോറും 500 ബസുകളും കോച്ചുകളുമാണ് കമ്ബനി നിര്‍മിക്കുന്നത്. ക്രമേണ 700 ആയി ഉയര്‍ത്തും. യാത്ര ബസുകളും ക്രമേണ ഇന്‍റര്‍ സിറ്റി ബസുകളും നിര്‍മിക്കാന്‍ കമ്ബനിക്ക് പദ്ധതിയുണ്ട്. ഒമാനും ഖത്തര്‍ ദേശീയ ഗതാഗത കമ്ബനിയായ ഖത്തര്‍ ട്രാന്‍സ്േപാര്‍ട്ടുമാണ് പദ്ധതിക്ക് നിക്ഷേപമിറക്കുന്നത്. 70 ശതമാനം ഓഹരിയും ഖത്തര്‍ ട്രാന്‍സ്േപാര്‍ട്ടിന്റെ റതാണ്. ഒമാന്‍ കമ്ബനിയായ ഒമാന്‍ ഇന്‍വെസ്റ്റ് അതോറിറ്റിക്കാണ് ബാക്കി 30 ശതമാനം നിക്ഷേപവും. ഒന്നാംഘട്ട പദ്ധതിയുടെ ചെലവ് 90 ദശലക്ഷം ഡോളറാണ്.
