കുവൈത്ത് സിറ്റി: ഘാന, ചെക് റിപ്പബ്ലിക് എന്നിവിടങ്ങളില്നിന്ന് പക്ഷി ഉല്പന്നങ്ങളുടെ ഇറക്കുമതി വിലക്കി കുവൈത്ത്.
ഇൗ രാജ്യങ്ങളില് വ്യാപന ശേഷിയുള്ള പക്ഷിപ്പനി റിപ്പോര്ട്ട് ചെയ്ത സാഹചര്യത്തിലാണ് നടപടിയെന്ന് കാര്ഷിക, മത്സ്യ വിഭവ അതോറിറ്റി അധികൃതര് അറിയിച്ചു. ലോകാരോഗ്യ സംഘടനയുടെ നിര്ദേശപ്രകാരമാണ് വിലക്ക് ഏര്പ്പെടുത്തിയത്.
പുതിയതും ശീതീകരിച്ചതുമായ മാംസങ്ങള്ക്കും മുട്ടക്കും വിലക്ക് ബാധകമാണ്. ഇറക്കുമതി ചെയ്യുന്ന പക്ഷി ഉല്പന്നങ്ങളില് രോഗാണുബാധ കണ്ടെത്തിയാല് തിരിച്ചയക്കുന്നതിനുള്ള ചെലവ് ഇറക്കുമതി ചെയ്യുന്നയാള് വഹിക്കേണ്ടി വരുമെന്ന് കാര്ഷിക, മത്സ്യവിഭവ അതോറിറ്റി വ്യക്തമാക്കി.