മസ്കത്ത്: ക്രിക്കറ്റ് ആരാധകര് ആവേശത്തോടെ കാത്തിരുന്ന ഒമാന്-ബംഗ്ലാദേശ് മത്സരത്തിന് മണിക്കൂറുകള്ക്കു മുമ്ബുതന്നെ നിറഞ്ഞു കവിഞ്ഞ് അമീറാത്ത് സ്റ്റേഡിയം.
ചരിത്രത്തില് ആദ്യമായാണ് ഒമാന് ക്രിക്കറ്റ് അക്കാദമിയിലെ ഗാലറി പൂര്ണമായും കാണികളാല് നിറഞ്ഞത്. നബിദിനത്തിലെ പൊതു അവധി മുന്നില് കണ്ട് പലരും നേരത്തെതന്നെ ടിക്കറ്റുകള് എടുത്തിരുന്നു. ടീമിനെ സപ്പോര്ട്ട് െചയ്യാനെത്തിയ ബംഗ്ലാദേശ് ആരാധകരുടെ ആവേശം പലപ്പോഴും ഒമാന് ആരാധകര്ക്ക് ഒപ്പമോ അതിനു മുകളിേലാ ആയിരുന്നു.
4,500പേര്ക്കാണ് സ്റ്റേഡിയത്തില് ഇരിക്കാന് സൗകര്യം ഉള്ളത്. ഇതില് വി.വി.ഐ.പി ഗാലറി സ്ഥിതി ചെയ്യുന്നത് ക്രിക്കറ്റ് അക്കാദമിയുടെ മുകള് നിലയിലാണ്. ചൊവ്വാഴ്ച രണ്ടു മണിക്ക് നടന്ന സ്കോട്ലാന്ഡ്-പാപ്വ ന്യൂഗിനി ആദ്യ മത്സരത്തിന് സ്റ്റേഡിയത്തില് കാര്യമായി ആളുകള് ഉണ്ടായിരുന്നില്ല. ഉച്ചക്ക് സാമാന്യം നല്ല ചൂടും ഉണ്ടായിരുന്നു. വി.ഐ.പി ഗാലറിക്ക് മാത്രമേ മേല്ക്കൂര ഉള്ളൂ. നാലു മണിയോടു കൂടിയാണ് സ്റ്റേഡിയത്തില് ആളുകളെത്തിയത്.
സത്യത്തില് ലോകകപ്പ് ക്രിക്കറ്റിെന്റ യഥാര്ഥ ആവേശം ജനങ്ങളിലെത്തിയത് ഒമാന്-ബംഗ്ലാദേശ് മത്സരത്തോടെയായിരുന്നു. ഞായറാഴ്ച നടന്ന ഒമാന്-പപ്വ ന്യൂഗിനി മത്സരം കാണാനും ആളുകള് കുറവായിരുന്നു. എന്നാല്, ചൊവ്വാഴ്ച പൊതു അവധി ആയതിനാലും മത്സരം വൈകുന്നേരം ആണെന്നുള്ളതും ആരാധകരെ സ്റ്റേഡിയത്തിലേക്ക് ഇരച്ചു കയറ്റാന് പ്രാപ്തമാക്കി. ദൂരെ ദിക്കുകളില് നിന്നു പോലും നൂറുകണക്കിനാളുകള് സ്റ്റേഡിയത്തിലെത്തിയിരുന്നു.
‘ഫേവറിറ്റ്’ മാച്ചായതിനാല് കളിയുടെ ടിക്കറ്റ് നേരത്തെ വിറ്റ് തീര്ന്നിരുന്നു. ആദ്യ മത്സരം അസാനിച്ച ഉടന് ഒമാന്- ബംഗ്ലാദേശ് കളിക്കാര് ഗ്രൗണ്ടിലേക്ക് പരിശീലനത്തിനി റങ്ങി. ഈ സമയം മുതല് കളി അവസാനിക്കും വരെ ആയിരക്കണക്കിന് കണ്ഠങ്ങളില് നിന്നും ഹയ്യ.. ഹയ്യ ..ക്രിക്കറ്റ്, ഒമാന്.. ഒമാന്…. വിളികളും ഉയര്ന്നു.