ഒമാനില്‍ ഷഹീന്‍ ചുഴലിക്കാറ്റ് ബാധിച്ചത് 22,000 ത്തിലേറെ പേരെയെന്ന് അധികൃതര്‍. ബാത്തിന ഗവര്‍ണറേറ്റില്‍ വിവിധ വിലായത്തുകളിലാണ് ഷഹീന്‍ ചുഴലിക്കാറ്റിന്റെ ആഘാതം നേരിട്ടതെന്നും എമര്‍ജന്‍സി അറിയിച്ചു.
ഒമാനിലെ മുസന്നയില്‍ 4,175, സുവൈഖില്‍11,801, ഖാബൂറയില്‍ 5,791, സഹം 1040 എന്നിങ്ങനെയാണ് വിവിധ വിലായത്തുകളിലായി കേസുകള്‍ റിപ്പോര്‍ട്ട് ചെയ്തിരിക്കുന്നത്.
വിവിധ മേഖലകളില്‍ ഫീല്‍ഡ് ടീമിന്റെ നേതൃത്വത്തില്‍ കണക്കെടുപ്പ് നടന്ന് കൊണ്ടിരിക്കുകയാണെന്ന് എമര്‍ജന്‍സി മാനേജ്‌മെന്‍റ് കമ്മിറ്റി അറിയിച്ചു.വെള്ളം കയറി നിരവധി വീടുകളാണ് ബാത്തിന ഗവര്‍ണറേറ്റില്‍ വാസയോഗ്യമല്ലാതായിരിക്കുന്നത്. മലയാളികളടക്കമുള്ളവരുടെ നൂറുകണക്കിന് വ്യാപാര സ്ഥാപനങ്ങളും തകര്‍ന്നിരുന്നു.
