മസ്കത്ത്: മലയാളം ഒമാന്‍ ചാപ്റ്റര്‍ ഏപ്രിലില്‍ സംഘടിപ്പിക്കുന്ന ‘മലയാള മഹോത്സവ’ത്തിന്റെ പ്രചാരണ പരിപാടികളുടെ ബ്രോഷര്‍ പ്രമുഖ സാമൂഹിക പരിസ്ഥിതിപ്രവര്‍ത്തക ദയാബായി ഫാ.
വര്‍ഗീസ് റ്റിജു ഐപ്പിന് നല്‍കി പ്രകാശനം ചെയ്തു. മലയാളം ഒമാന്‍ ചാപ്റ്റര്‍ വൈസ് ചെയര്‍മാന്‍ സദാനന്ദന്‍ എടപ്പാള്‍, ജനറല്‍ സെക്രട്ടറി രതീഷ് പട്ടിയാത്ത്‌, കോഓഡിനേറ്റര്‍ രാജന്‍ കോക്കുരി എന്നിവര്‍ സംബന്ധിച്ചു.
മലയാളഭാഷയും സാഹിത്യവും തനിമ നഷ്ടപ്പെടാതെ പുതിയതലമുറക്ക് കൈമാറുക, ഭാഷയുടെ സ്വത്വം പരിപോഷിപ്പിക്കുക, പ്രചരിപ്പിക്കുക തുടങ്ങി വിവിധ ലക്ഷ്യത്തോടെ കേരളത്തിലെ സാംസ്കാരിക കലാസാഹിത്യ നായകന്മാരുടെ ഉപദേശനിര്‍ദേശങ്ങള്‍ സ്വീകരിച്ചു പ്രവര്‍ത്തിക്കുന്ന സംഘടനയാണ് മലയാളം ഒമാന്‍ ചാപ്റ്റര്‍.
