കുവൈത്ത് സിറ്റി: പല രാജ്യങ്ങളിലായി കഴിയുന്ന അഭയാര്ഥികളെ സ്വന്തം നാട്ടിലേക്കും വീടുകളിലേക്കും തിരികെ കൊണ്ടുവരുന്നതിന് യു.എന് അഭയാര്ഥി ഏജന്സിക്ക് (യു.എന്.എച്ച്.സി.ആര്) രാജ്യത്തിന്റെ പിന്തുണ.
സംസാരിച്ച കുവൈത്ത് അറ്റാഷെ റാഷിദ് അല് അബൗല് ആണ് പിന്തുണ അറിയിച്ചത്. യു.എന്.എച്ച്.സി.ആര് ജീവനക്കാരില് 25 ശതമാനവും അപകടകരമായ സ്ഥലങ്ങളില് ജോലി ചെയ്യുന്നവരാണ്. അഭയാര്ഥികളുടെ സംരക്ഷണത്തിന്റെ പ്രാധാന്യം ഉറപ്പിക്കണമെന്നും ചൂണ്ടിക്കാട്ടി.
രാജ്യത്ത് ഓഫിസ് സ്ഥാപിച്ചതിന്റെ 31ാം വാര്ഷികം ആഘോഷിച്ചു. സായുധ സംഘട്ടനങ്ങളിലോ പ്രകൃതിദുരന്തങ്ങളിലോ ദുരിതമനുഭവിക്കുന്നവരെ സഹായിക്കുന്നത് മെച്ചപ്പെടുത്താന് തീരുമാനിച്ചു. സംഘര്ഷം, അക്രമം, പ്രകൃതിദുരന്തങ്ങള്, കാലാവസ്ഥ വ്യതിയാനം എന്നിവ കാരണം പത്തു കോടി ആളുകള് സുരക്ഷിത താവളങ്ങളിലേക്ക് പലായനം ചെയ്തതായി അല് അബൗല് ചൂണ്ടിക്കാട്ടി. അരക്കോടിയിലധികം ഫലസ്തീന് അഭയാര്ഥികള്ക്ക് ആരോഗ്യ സംരക്ഷണവും വിദ്യാഭ്യാസവും നല്കിയതിന് യു.എന്.ആര്.ഡബ്ല്യു.എയെ അദ്ദേഹം അഭിനന്ദിച്ചു.
അന്താരാഷ്ട്ര നിയമങ്ങളുടെയും യു.എന് സുരക്ഷ കൗണ്സില് പ്രമേയങ്ങളുടെയും നഗ്നമായ ലംഘനമാണ് ഫലസ്തീനില് ഇസ്രായേല് നടത്തുന്നതെന്ന് അദ്ദേഹം പറഞ്ഞു. ഇസ്രായേല് ഫലസ്തീന് മണ്ണ് കവര്ന്നെടുത്ത് വീടുകള് നശിപ്പിച്ച് സ്വത്തുക്കള് കണ്ടുകെട്ടുന്നതിനെ അപലപിച്ചു. ഫലസ്തീനിലെ ഇസ്രായേല് അധിനിവേശവും ആക്രമണങ്ങളും അവസാനിപ്പിക്കാന് അന്താരാഷ്ട്ര സമൂഹം ഉണര്ന്നുപ്രവര്ത്തിക്കണമെന്നും അദ്ദേഹം ആവശ്യപ്പെട്ടു.