കുവൈത്ത് സിറ്റി: ഇന്ത്യന്‍ എംബസി പ്രതിമാസ ഓപ്പണ്‍ ഹൗസ് 27 ബുധനാഴ്ച വൈകീട്ട് 3.30ന് എംബസി ഓഡിറ്റോറിയത്തില്‍ നടക്കും. പ്രവാസികള്‍ക്കുള്ള സര്‍ക്കാര്‍ പദ്ധതികള്‍, എംബസിയുടെ ഇടനിലക്കാര്‍ ചമയുന്നവര്‍ എന്നീ പ്രധാന വിഷയങ്ങളാണ് ഈ മാസത്തെ ഓപ്പണ്‍ ഹൗസിലെ പ്രധാനമായും ചര്‍ച്ചചെയ്യുന്നത്.ഓപ്പണ്‍ ഹൗസില്‍ ഇന്ത്യക്കാര്‍ക്ക് നേരിട്ട് പങ്കെടുക്കാന്‍ അവസരമുണ്ട്.
സ്ഥാനപതി സിബി ജോര്‍ജ് ഓപ്പണ്‍ ഹൗസിന് നേതൃത്വം നല്‍കും. രണ്ടു ഡോസ് വാക്‌സിന്‍ എടുത്ത ഇന്ത്യക്കാര്‍ക്ക് community.kuwait@mea.gov.in എന്ന വിലാസത്തില്‍ ഇ-മെയില്‍ അയച്ച്‌ രജിസ്റ്റര്‍ ചെയ്ത് പങ്കെടുക്കാം. പ്രത്യേകമായി എന്തെങ്കിലും അന്വേഷിക്കാനുള്ളവര്‍ പേര്, പാസ്‌പോര്‍ട്ട് നമ്ബര്‍, സിവില്‍ ഐഡി നമ്ബര്‍, ഫോണ്‍ നമ്ബര്‍, കുവൈത്തിലെ വിലാസം എന്നിവ സഹിതം community.kuwait@mea.gov.in എന്ന ഇ-മെയില്‍ വിലാസത്തില്‍ ബന്ധപ്പെടേണ്ടതാണ്.
