കുവൈറ്റ് സിറ്റി: കുവൈറ്റില് അഞ്ചു വര്ഷം പഴക്കമുള്ള മൃതദേഹം ബാത്ത്റൂമില് നിന്ന് കണ്ടെത്തി.
സാല്മിയയിലാണ് സംഭവം. 2016-ല് മരിച്ച യുവതിയുടെ മൃതദേഹമാണിത്. ഇക്കാര്യം സഹോദരന് ഇപ്പോഴാണ് പൊലീസില് അറിയിക്കുന്നത്.
സഹോദരന് വിവരം അറിയിച്ചത് പ്രകാരം പൊലീസ് സ്ഥലത്തെത്തി മൃതദേഹം കണ്ടെടുക്കുകയായിരുന്നു. അസ്ഥികൂടം മാത്രമാണ് അവശേഷിച്ചിരുന്നത്. അസ്ഥികൂടം ഫോറന്സിക് പരിശോധനയ്ക്കായി അയച്ചു.
സഹോദരനെയും മാതാവിനെയും അന്വേഷണവിധേയമായി പൊലീസ് കസ്റ്റഡിയിലെടുത്തു. 2016-ല് മരിച്ച ഇളയ സഹോദരിയുടെ മൃതദേഹം സാല്മിയയിലെ വീട്ടില് തന്റെ കുളിമുറിയില് സൂക്ഷിക്കുകയായിരുന്നുവെന്നാണ് സഹോദരന് പൊലീസിനോട് പറഞ്ഞത്.