കുവൈത്ത് സിറ്റി: കുവൈത്ത് സര്വകലാശാലക്ക് കീഴിലുള്ള കോളജുകളില് നേരിട്ടുള്ള അധ്യയനം ആരംഭിച്ചു. 36,000 വിദ്യാര്ഥികളാണ് ഒന്നര വര്ഷത്തെ ഇടവേളക്കു ശേഷം കലാലയങ്ങളില് എത്തിയത്.
ആരോഗ്യ മന്ത്രാലയം നിഷ്കര്ഷിക്കുന്ന ആരോഗ്യ സുരക്ഷ മാനദണ്ഡങ്ങള് പാലിച്ചാണ് വിദ്യാര്ഥികളെ വരവേറ്റത്.
വാക്സിന് എടുക്കാത്ത വിദ്യാര്ഥികള് എല്ലാ ആഴ്ചയും പി.സി.ആര് നെഗറ്റിവ് സര്ട്ടിഫിക്കറ്റ് ഹാജരാക്കണമെന്ന് സര്വകലാശാല വക്താവ് ഡോ. മര്ദി ഉബൈദി അല് അയ്യാഷ് പറഞ്ഞു. കുത്തിവെപ്പ് എടുക്കാത്ത സന്ദര്ശകര് 72 മണിക്കൂറിനുള്ളിലെ പി.സി.ആര് സര്ട്ടിഫിക്കറ്റ് ഹാജരാക്കണം. പ്രവേശന കവാടങ്ങളില് തെര്മല് കാമറകള് സ്ഥാപിച്ചിട്ടുണ്ട്. നഴ്സിങ് സ്റ്റാഫുകളുടെ സേവനവും ലഭ്യമാക്കിയിട്ടുണ്ട്.