കുവൈറ്റ് സിറ്റി: പ്രത്യേക പൊതുമാപ്പ് ഉത്തരവ് പ്രാബല്യത്തില്‍ വന്നതോടെ, അബ്ദാലി ചാരാകേസിലെ പ്രതികളെ ഇന്ന് രാവിലെ കുവൈറ്റ് ആഭ്യന്തര മന്ത്രാലയം വിട്ടയച്ചു.
പ്രതികളെ സ്വീകരിക്കാന്‍ കുടുംബാംഗങ്ങള്‍ സെന്‍ട്രല്‍ ജയിലിന് മുമ്ബിലെത്തിയിരുന്നു.
അമീര്‍ പ്രഖ്യാപിച്ച പൊതുമാപ്പിനെ തുടര്‍ന്ന് 20 പ്രതികളെയാണ് ഇന്ന് വിട്ടയച്ചത്. അബ്ദാലി ചാരക്കേസില്‍ ജീവപര്യന്തം ശിക്ഷ ലഭിച്ച ഒരു പ്രതി മാത്രമാണ് ഇപ്പോള്‍ സെന്‍ട്രല്‍ ജയിലിലുള്ളതെന്ന് സുരക്ഷാ വൃത്തങ്ങള്‍ വ്യക്തമാക്കി.
രാഷ്ട്രീയ കേസുകളില്‍ ശിക്ഷിക്കപ്പെട്ട 35 പേര്‍ക്കാണ് പൊതുമാപ്പ് നല്‍കുന്നത്. മറ്റു രാഷ്ട്രീയ കേസുകളില്‍ വിദേശത്ത് കഴിയുന്നവര്‍ നാളെ മുതല്‍ സ്വാദേശത്തേക്ക് മടങ്ങി തുടങ്ങുമെന്നാണ് സുരക്ഷാ വൃത്തങ്ങള്‍ നല്‍കുന്ന വിവരം
