മസ്കത്ത്: ഇൗ വര്‍ഷം 32,000 പൗരന്മാര്‍ക്ക് ജോലി നല്‍കുമെന്ന ജനുവരിയിലെ പ്രഖ്യാപനം മറികടന്ന് തൊഴില്‍ മന്ത്രാലയം.
2021സെപ്റ്റംബര്‍ അവസാനം വരെ പൊതു, സ്വകാര്യ മേഖലകളില്‍ 35,344 തസ്തികകള്‍ സൃഷ്ടിച്ചതായി മന്ത്രാലയം വ്യക്തമാക്കി. ശനിയാഴ്ച പുറത്തിറക്കിയ തൊഴില്‍ പ്രകടന റിപ്പോര്‍ട്ടിലാണ് ഇക്കാര്യം പറയുന്നത്. പുതിയ തൊഴിലന്വേഷകരെ ഉള്‍ക്കൊള്ളുന്നതിനായി പുതിയ സംവിധാനങ്ങളും നയങ്ങളും സ്വീകരിച്ചതിെന്‍റ ഫലമാണിതെന്നും മന്ത്രാലയം അറിയിച്ചു. രാജ്യത്തിെന്‍റ ഭരണപരമായ യൂനിറ്റുകളില്‍ 19,535 ജോലികള്‍ നല്‍കിയിട്ടുണ്ടെന്ന് റിപ്പോര്‍ട്ടില്‍ പറയുന്നു.
മുന്‍പരിചയമില്ലാത്ത തൊഴിലന്വേഷകരായ 8562 ആളുകള്‍ക്ക് സ്വകാര്യമേഖലയില്‍ ജോലി നല്‍കാനായി. ഇവരില്‍ 2025 പേര്‍ പൊതുവിദ്യാഭ്യാസ ഡിപ്ലോമ നേടിയവരാണ്. 2664 പേര്‍ക്ക് പൊതുവിദ്യാഭ്യാസ ഡിപ്ലോമയും തത്തുല്യ യോഗ്യതയും 1088 പേര്‍ക്ക് യൂനിവേഴ്‌സിറ്റി ഡിപ്ലോമയും 2695 പേര്‍ക്ക് സര്‍വകലാശാല ബിരുദവും 90 പേര്‍ മാസ്റ്റര്‍ ഡിഗ്രിയോ പിഎച്ച്‌.ഡിയോ നേടിയവരുമാണ്. തൊഴില്‍ മന്ത്രാലയത്തിെന്‍റ നേരിട്ടുള്ള സംരംഭങ്ങളിലൂടെ 1067ഉം പരിശീലനത്തിെന്‍റയും മറ്റും ഫലമായി 6180 പേര്‍ക്കും സ്വകാര്യമേഖലയില്‍ ജോലി നേടാന്‍ സാധിച്ചു. പൗരന്മാരുടെ തൊഴില്‍ കരാര്‍ നിര്‍ത്തുന്നതായി കാണിച്ച്‌ 83, വേതനം കുറക്കണമെന്ന് ആവശ്യപ്പെട്ട് 128 സ്വകാര്യ സ്ഥാപനങ്ങളും മന്ത്രാലയത്തെ സമീപിച്ചിരുന്നു. ഇൗ വിഷയത്തില്‍ ഇടപെട്ട മന്ത്രാലയത്തിന് പൗരന്മാരെ പിരിച്ചുവിടാതെയും ശമ്ബളം കുറക്കാതെയും തൊഴില്‍സ്ഥിരത ഉറപ്പുവരുത്താന്‍ കഴിഞ്ഞു. ഇതിലൂടെ 45,708 പൗരന്മാര്‍ക്കാണ് ജോലിസ്ഥിരത ലഭിച്ചത്.
