മനാമ: അബൂദബിയില്‍ നടന്ന ലോക പ്രഫഷനല്‍ ജ്യു ജിറ്റ്സു ചാമ്ബ്യന്‍ഷിപ്പില്‍ ബഹ്‌റൈനെ പ്രതിനിധീകരിച്ച്‌ പെങ്കടുത്ത മലയാളി പ്രവാസികള്‍ക്ക് അഭിമാനമാകുന്നു. ആഭ്യന്തര മന്ത്രാലയത്തിെന്‍റ ജ്യു ജിറ്റ്സു ടീമില്‍ അംഗമായ അന്‍ഷാദ് അബ്ദുല്‍ അസീസാണ് ഇൗ നേട്ടം സ്വന്തമാക്കിയത്.
ആയോധനകലയില്‍പെട്ട ജ്യു ജിറ്റ്സുവിനെ ബ്രസീലുകാരാണ് കായിക മത്സര ഇനമായി അവതരിപ്പിച്ചത്. എതിരാളിയെ നിലത്തു വീഴ്ത്തി അനങ്ങാന്‍ കഴിയാതെ പൂട്ടുന്നതുവഴിയാണ് വിജയിയെ തിരഞ്ഞെടുക്കുന്നത്. എല്ലാവര്‍ഷവും നടക്കുന്ന ലോക ചാമ്ബ്യന്‍ഷിപ്പില്‍ ഇത് രണ്ടാം തവണയാണ് അന്‍ഷാദ് പെങ്കടുക്കുന്നത്. 2018ല്‍ അബൂദബിയില്‍തന്നെ നടന്ന ചാമ്ബ്യന്‍ഷിപ്പില്‍ മാസ്റ്റര്‍ വിഭാഗത്തില്‍ മൂന്നാം സ്ഥാനം നേടിയിരുന്നു.
40 വര്‍ഷമായി ബഹ്‌റൈനിലുള്ള വടകര മടപ്പള്ളി സ്വദേശി അബ്ദുല്‍ അസീസിെന്‍റയും ഷെരീഫയുടെയും നാലു മക്കളില്‍ രണ്ടാമനാണ്. ബഹ്റൈന് ഇന്ത്യന്‍ സ്കൂളില് നിന്ന് പന്ത്രണ്ടാം ക്ലാസ് പഠനം പൂര്‍ത്തിയാക്കിയതിനു ശേഷം വില്യാപ്പള്ളി ചൂരക്കൊടി കളരിസംഘത്തിലെ കുഞ്ഞി മൂസ ഗുരുക്കളുടെയും അഷ്‌റഫ് ഗുരുക്കളുടെയും കീഴില്‍ ആയോധനകല അഭ്യസിച്ചു.
തുടര്‍ന്ന് ബഹ്‌റൈനില്‍ തിരിച്ചെത്തി പിതാവിെന്‍റ ബിസിനസില്‍ സഹായിച്ച്‌ വരുന്നതിനിടെയാണ് ബഹ്റൈന് ആഭ്യന്തരമന്ത്രാലയത്തില്‍ ജോലി ലഭിച്ചത്. കഴിഞ്ഞ ഏഴു വര്‍ഷമായി മന്ത്രാലയത്തിെന്‍റ ജ്യു ജിറ്റ്സു ടീമിലെ സ്ഥിരാംഗമാണ്. കളരിയിലെ ചില അയോധന മുറകള്‍ ജ്യു ജിറ്റ്സുവില്‍ ഉപയോഗിക്കാന്‍ കഴിഞ്ഞതായി അന്‍ഷാദ് പറഞ്ഞു.
