കുവൈത്ത് സിറ്റി: മിശ്രിഫ് ഇന്റര്നാഷനല് എക്സിബിഷന് സെന്ററില് പെര്ഫ്യൂം എക്സിബിഷന് ആരംഭിച്ചു. ഇന്റര്നാഷനല് ഫെയര് ഗ്രൗണ്ട് കമ്ബനിയും ബൊട്ടീഖാത്തും സംയുക്തമായാണ് ‘വി ആര് ഹിയര്’ തലക്കെട്ടില് പെര്ഫ്യൂം എക്സിബിഷന് നടത്തുന്നത്. 400ഒാളം പ്രാദേശിക, അന്തര്ദേശീയ കമ്ബനികള് പെര്ഫ്യൂം എക്സിബിഷെന്റ ഭാഗമാണ്. 797 പവലിയന് ഉള്ക്കൊള്ളുന്ന പ്രദര്ശനം ഡിസംബര് പകുതി വരെ നീളും.
ആഡംബര സുഗന്ധ ദ്രവ്യങ്ങളുടെ എക്സ്ക്ലൂസിവ് പ്രദര്ശനവും വില്പനയുമാണ് മേളയെ ശ്രദ്ധേയമാക്കുന്നത്. രണ്ടു വര്ഷത്തെ ഇടവേളക്കു ശേഷമാണ് കുവൈത്ത് അന്താരാഷ്ട്ര പ്രദര്ശന നഗരി വാണിജ്യ മേളകള്ക്കായി തുറന്നുകൊടുത്തത്. കോവിഡ് വ്യാപനം ആരംഭിച്ചതു മുതലാണ് മിശ്രിഫിലെ പ്രദര്ശന നഗരിയില് വാണിജ്യ മേളകള് നിര്ത്തലാക്കിയത്. അന്താരാഷ്ട്ര പ്രദര്ശനങ്ങളാല് സജീവമായിരുന്ന ഫെയര് ഗ്രൗണ്ട് കഴിഞ്ഞ രണ്ടു വര്ഷക്കാലമായി രാജ്യത്തെ പ്രധാന കോവിഡ് പ്രതിരോധ കേന്ദ്രമായി തുടരുകയായിരുന്നു.
ആരോഗ്യ മന്ത്രാലയവും പ്രതിരോധ മന്ത്രാലയവും ചേര്ന്ന് യുദ്ധകാലാടിസ്ഥാനത്തില് വാണിജ്യ നഗരിയെ ഫീല്ഡ് ആശുപത്രിയാക്കി മാറ്റി. ഒന്നാം തരംഗത്തിെന്റ സമയത്ത് കോവിഡ് ബാധിതരായ വിദേശികളെ പ്രധാനമായും പ്രവേശിപ്പിച്ചിരുന്നത് മിശ്രിഫ് ഫീല്ഡ് ആശുപത്രിയിലായിരുന്നു. പിന്നീട് രാജ്യവ്യാപകമായി വാക്സിനേഷന് യജ്ഞം ആരംഭിച്ചപ്പോള് പ്രധാന വാക്സിനേഷന് കേന്ദ്രവും സജ്ജീകരിച്ചത് ഇവിടെയാണ്.
കോവിഡ് ആശങ്ക മാറി രാജ്യം സാധാരണ ജീവിതത്തിലേക്ക് പ്രവേശിച്ചതോടെയാണ് രണ്ടു വര്ഷത്തെ ഇടവേളക്കു ശേഷം മിശ്രിഫ് ഫെയര് ഗ്രൗണ്ടില് വ്യാപാര മേളകള് വീണ്ടും സജീവമാകുന്നത്. ഫെയര് ഗ്രൗണ്ട് കേന്ദ്രീകരിച്ച് ആരോഗ്യ മന്ത്രാലയം നടത്തിവന്ന ഫീല്ഡ് ആശുപത്രിയും വാക്സിനേഷന് കേന്ദ്രവും അവിടെ തുടരുന്നുണ്ട്.