കുവൈത്ത് സിറ്റി: ഒമിക്രോണ്‍ വൈറസ് വകഭേദം എണ്ണവിലയില്‍ കുറവുവരുത്തിയെങ്കിലും ഉല്‍പാദനം പ്രതിമാസം വര്‍ധിപ്പിക്കാനുള്ള ഒപെക്, നോണ്‍ ഒപെക് കൂട്ടായ്മയുടെ തീരുമാനത്തില്‍ തല്‍ക്കാലം മാറ്റമില്ല.
കഴിഞ്ഞദിവസം ഓണ്‍ലൈനില്‍ ചേര്‍ന്ന യോഗത്തില്‍ ഓരോ മാസവും ക്രമാനുഗതമായി ഉല്‍പാദനം വര്‍ധിപ്പിക്കാന്‍ നേരത്തേ എടുത്ത തീരുമാനത്തില്‍ ഉറച്ചുനില്‍ക്കാന്‍ ധാരണയായി. ക്രൂഡ് റിസര്‍വ് കുറച്ച്‌ വിപണിയിലേക്ക് എണ്ണ ഒഴുക്കുമെന്ന മുന്നറിയിപ്പ് നല്‍കിയ അമേരിക്കയുടെ സമ്മര്‍ദതന്ത്രം ഇതിന് കാരണമായിട്ടുണ്ട്. കഴിഞ്ഞ ജൂലൈയില്‍ നടത്തിയ ചര്‍ച്ചയിലാണ് ആഗസ്റ്റ് മുതല്‍ മാസത്തില്‍ നാലുലക്ഷം ബാരല്‍ വീതം പ്രതിദിന ഉല്‍പാദനം വര്‍ധിപ്പിക്കാനും നിയന്ത്രണത്തിെന്‍റ തോത് ഇടക്കിടെ വിപണി വിലയിരുത്തി മാറ്റം വരുത്താനും തീരുമാനിച്ചത്. ജനുവരിയില്‍ മാറ്റുന്നില്ലെങ്കിലും അതിന് ശേഷമുള്ള സാഹചര്യം വിലയിരുത്തി അപ്പോള്‍ തീരുമാനമെടുക്കും.
അന്താരാഷ്ട്ര വിപണിയിലെ ആവശ്യവും വിതരണവും തമ്മില്‍ സന്തുലിതാവസ്ഥ സൃഷ്ടിക്കാന്‍ പ്രതിജ്ഞാബദ്ധമാണെന്ന് ഒപെക്, നോണ്‍ ഒപെക് കൂട്ടായ്മ വക്താവ് അറിയിച്ചു. അംഗരാജ്യങ്ങളില്‍ ചിലത് ഉല്‍പാദന നിയന്ത്രണത്തിനെ അനുകൂലിക്കുേമ്ബാള്‍ ചിലത് എതിര്‍ക്കുന്ന സ്ഥിതിയുണ്ടായിരുന്നു. എണ്ണ ഉല്‍പാദക രാജ്യങ്ങള്‍ക്കും ഉപഭോക്തൃ രാജ്യങ്ങള്‍ക്കും പ്രധാനമാണ് ഉല്‍പാദനം സംബന്ധിച്ച തീരുമാനം. ബജറ്റ് കമ്മി കുറച്ചുകൊണ്ടുവരാന്‍ കൂടുതലായി ഉല്‍പാദിപ്പിക്കേണ്ട ആവശ്യം എണ്ണവില്‍പന മുഖ്യവരുമാനമായ ചില രാജ്യങ്ങള്‍ക്കുണ്ട്.
