മസ്കത്ത്: ഒമാനില് കെട്ടിട നിര്മ്മാണ സാമഗ്രികള് മോഷ്ടിച്ച നാല് പ്രവാസികളെ അറസ്റ്റ് ചെയ്തതായി റോയല് ഒമാന് പൊലീസ് അറിയിച്ചു. നോര്ത്ത് അല് ബാത്തിന ഗവര്ണറേറ്റിലായിരുന്നു സംഭവം.
കെട്ടിട നിര്മാണത്തിനായി സജ്ജമാക്കിയിരുന്ന 135 ലോഹനിര്മിതികളാണ് ഇവര് കവര്ന്നത്. പിടിയിലായ പ്രവാസികള്ക്കെതിരെ നോര്ത്ത് അല് ബാത്തിന ഗവര്ണറേറ്റ് പൊലീസ് കമാന്ഡ്, നിയമപ്രകാരമുള്ള നടപടികള് സ്വീകരിച്ചിട്ടുണ്ടെന്നും റോയല് ഒമാന് പൊലീസ് പുറത്തിറക്കിയ പ്രസ്താവനയില് പറയുന്നു.
അതേസമയം ഒമാനിലെ നോര്ത്ത് അല് ബാത്തിന ഗവര്ണറേറ്റിലെ വിവിധ ഭാഗങ്ങളില് നിന്നും കന്നുകാലികളെ മോഷ്ടിച്ച രണ്ട് പേരെ പിടികൂടിയതായും പൊലീസ് അറിയിച്ചിട്ടുണ്ട്.
സുവൈഖ് വിലായത്തിലായിരുന്നു മോഷണം നടന്നത്. കഴിഞ്ഞ ദിവസവും മോഷണക്കുറ്റത്തിന് റോയല് ഒമാന് പൊലീസ് രണ്ടു പേരെ പിടികൂടിയിരുന്നു. രണ്ട് വ്യത്യസ്ത സംഭവങ്ങളിലാണ് ജനറല് ഡിപ്പാര്ട്ട്മെന്റ് ഓഫ് ക്രിമിനല് ഇന്വെസ്റ്റിഗേഷന് ആന്ഡ് ഇന്വെസ്റ്റിഗേഷന് ഇരുവരെയും അറസ്റ്റ് ചെയ്തത്.