മസ്കത്ത്: ഒമാനില് പൊടിക്കാറ്റിന് സാധ്യതയെന്ന് മുന്നറിയിപ്പ് നല്കി കാലാവസ്ഥാ നിരീക്ഷണ കേന്ദ്രം.
രാജ്യത്തിന്റെ ഒട്ടുമിക്ക ഗവര്ണറേറ്റുകളിലും കാറ്റിന് സാധ്യതയുള്ളതായി ഒമാന് കാലാവസ്ഥാ കേന്ദ്രം അറിയിച്ചു. രാജ്യത്തെ മരുഭൂമി പ്രദേശങ്ങളിലും, തുറസായ ഇടങ്ങളിലും പൊടി അനുഭവപ്പെടുന്നതിനും കാഴ്ച്ച മറയുന്നതിനും സാധ്യത ഉള്ളതായി കാലാവസ്ഥാ നിരീക്ഷണ കേന്ദ്രം വ്യക്തമാക്കി.
കാറ്റിനെ തുടര്ന്ന് ഒമാന് കടലിന്റെ തീരപ്രദേശങ്ങളിലും, മുസന്ദം ഗവര്ണറേറ്റിലെ തീരമേഖലകളിലും കടല് പ്രക്ഷുബ്ധമാകുന്നതിന് സാധ്യതയുള്ളതായി അധികൃതര് മുന്നറിയിപ്പ് നല്കിയിട്ടുണ്ട്.