മസ്കത്ത്: എസ്.കെ.എസ്.എസ്.എഫിന്റെ 35 ാം വാര്‍ഷിക വിളംബരവുമായി ഒമാനിലെത്തിയ സംസ്ഥാന ജനറല്‍ സെക്രട്ടറി റഷീദ് ഫൈസി വെള്ളായിക്കോടിനു അല്‍ഖുവൈര്‍ ഏരിയ കമ്മിറ്റിയുടെ നേതൃത്വത്തില്‍ സ്വീകരണം നല്‍കി.
അല്‍ഖുവൈര്‍ അബുഖാസിം മസ്ജിദ് ഹാളില്‍ നടന്ന പൊതുപരിപാടി എസ്.ഐ.സി ഒമാൻ പ്രസിഡന്റ് അൻവര്‍ ഹാജി ഉദ്‌ഘാടനം ചെയ്തു. ഏരിയ പ്രസിഡന്റ് ഉമര്‍ വാഫി നിലമ്ബൂര്‍ അധ്യക്ഷതവഹിച്ചു.
തിരക്കേറിയ ജീവിതസാഹചര്യങ്ങളില്‍ അവശരും ആലംബഹീനരുമായ മനുഷ്യരുടെ കണ്ണീരൊപ്പാൻ സമയം കണ്ടെത്തണമെന്ന് റഷീദ് ഫൈസി പ്രഭാഷണത്തില്‍ ഉദ്‌ബോധിപ്പിച്ചു. മസ്കത്ത് സുന്നി സെന്റര്‍ ട്രഷറര്‍ അബ്ബാസ് ഫൈസി കാവനൂര്‍, അല്‍ഖുവൈര്‍ സുന്നി സെന്റര്‍ നേതാക്കളായ ശംസുദ്ദീൻ സാഹിബ് ഉപ്പള, അബ്ദുല്‍ വാഹിദ് മാള, ഹനീഫ പുത്തൂര്‍, ബൗഷര്‍ സുന്നി സെന്റര്‍ പ്രതിനിധികളായി അബ്ദുല്‍ ജലീല്‍ ഹാജി, അബ്ദുല്‍ ഹാദി വാഫി, എസ്.കെ.എസ്.എസ്.എഫ് ഒമാൻ ഓര്‍ഗനൈസിങ് സെക്രട്ടറി കെ.എൻ.എസ് മൗലവി, മജീദ് മൗലവി, ഷരീഫ് സാഹിബ് മൊബൈല, ആരിഫ് കൊട്ടാല്‍ എന്നിവര്‍ സംസാരിച്ചു. ഏരിയ സെക്രെട്ടറി ഷഹീര്‍ ബക്കളം സ്വാഗതവും ട്രെഷറര്‍ കബീര്‍ കാലൊടി നന്ദിയും പറഞ്ഞു.
