മസ്കത്ത്: വിസ പുതുക്കുമ്ബോള് ഇനി പാസ്പോര്ട്ടില് സ്റ്റാമ്ബിങ് നിര്ബന്ധമില്ലെന്ന് റോയല് ഒമാന് പൊലീസ് (ആര്.ഒ.പി) വ്യക്തമാക്കി.
റോയല് ഒമാന് പൊലീസിനെ ഉദ്ധരിച്ച് പ്രാദേശിക മാധ്യമങ്ങളാണ് ഇക്കര്യം റിപ്പോര്ട്ട് ചെയ്തത്. പാസ്പോര്ട്ടിലെ പരമ്ബരാഗത വിസ സ്റ്റാമ്ബ് ചെയ്യുന്നതിനുപകരം ഓണ്ലൈന് പുതുക്കുന്നത് തുടങ്ങിയിരുന്നു. ഇത് സംബന്ധിച്ച് മലയാളികളടക്കമുള്ള താമസക്കാര് അന്വേഷണവുമായെത്തിയ പശ്ചാത്തലത്തിലാണ് ആര്.ഒ.പിയുടെ വിശദീകരണം.
ആഴ്ചകള്ക്ക് മുമ്ബ് വിവിധ ഗവര്ണറേറ്റുകളല് പ്രാബല്യത്തില്വന്ന് തുടങ്ങിയ പുതിയ സമ്ബ്രദായം വിസ സ്റ്റാമ്ബിങ് പ്രകിയ എളുപ്പമാക്കാനുള്ളതാണെന്നും അത് കൂടുതല് ഫല പ്രദമാക്കുമെന്നും റോയല് ഒമാന് പൊലീസ് വൃത്തങ്ങള് പറഞ്ഞു. താമസക്കാരുടെ പുതുക്കുന്ന വിസ പാസ്പോര്ട്ടില് സ്റ്റാമ്ബ് ചെയ്യുന്നത് നിര്ത്താനാണ് തീരുമാനം. പാസ്പോര്ട്ടില് സ്റ്റാമ്ബിങ് ഉണ്ടോ ഇല്ലയോ എന്നത് വ്യക്തിക്ക് പ്രശ്നമല്ല. അയാള്ക് യാത്ര ചെയ്യാനും താമസത്തിന്റെ തെളിവായും റസിഡന്റ് കാര്ഡ് സമര്പ്പിക്കാന് കഴിയുമെന്ന് പൊലീസ് ഉദ്യോഗസ്ഥന് പറഞ്ഞതായി മാധ്യമങ്ങള് റിപ്പോര്ട്ട് ചെയ്യുന്നു.