കുവൈത്ത് : കുവൈറ്റില്‍ താമസരേഖ പുതുക്കുന്നതിനും പുതിയ തൊഴില്‍ വിസ ലഭിക്കുന്നതിനും പ്രവാസികള്ക്ക് പുതിയ കടമ്ബ കടക്കണം. പുതിയ തൊഴില്‍ വിസ അനുവദിക്കുന്നതിനും താമസരേഖ പുതുക്കുന്നതിനും പ്രവാസികള്ക്ക് ടെസ്റ്റ് ഏര്‍പ്പെടുത്താന്‍ തീരുമാനിച്ചതായി മാനവ ശേഷി പൊതു സമിതി ഡയരക്റ്റര്‍ ജനറല്‍ ഡോ മുബാറക്‌ അല്‍ ആസ്മി വ്യക്തമാക്കി. തീരുമാനം നടപ്പിലാകുന്നതോടെ ടെസ്റ്റില്‍ പരാജയയപ്പെടുന്ന പ്രവാസി രാജ്യം വിടേണ്ടി വരും.
ജനസംഖ്യാപരമായ അസന്തുലിതാവസ്ഥ പരിഹരിക്കുന്നതിന്റെ ഭാഗമായാണു പുതിയ തീരുമാനം. ആദ്യ ഘട്ടത്തില്‍ എഞ്ചിനീയര്‍ തസ്തികയിലുള്ളവര്‍ക്കും പിന്നീട്‌ വിവിധ തസ്തികകളില്‍ ഉള്ളവര്‍ക്കും ടെസ്റ്റ് നടത്തും. കുവൈത്ത് എഞ്ചിനീയേര്‍സ് സൊസൈറ്റിയുടെ സഹകരണത്തോടെയായിരിക്കും എഞ്ചിനീയര്‍ തസ്തികയിലുള്ളവര്‍ക്കു ടെസ്റ്റ് നടത്തുക.
