കുവൈത്തില് അമിത മയക്കുമരുന്ന് ഉപയോഗംമൂലം കഴിഞ്ഞ വര്ഷം 144 പേര് മരിച്ചതായി റിപ്പോര്ട്ട്.മരിച്ചവരില് 61 ശതമാനവും സ്വദേശികളും ബാക്കിയുള്ളവര് വിദേശികളാണെന്നും അല് ഖബസ് പത്രം റിപ്പോര്ട്ട് ചെയ്യുന്നു. മരിച്ചവരില് 92 ശതമാനവും പുരുഷന്മാരാണ്.
സ്കൂള് തലം മുതല് യൂനിവേഴ്സിറ്റിവരെയുള്ള വിദ്യാര്ഥികളെ ലഹരിമാഫിയ ലക്ഷ്യമിടുന്നു. 31നും 40നും ഇടയില് പ്രായമുള്ളവരാണ് അമിത ലഹരി ഉപയോഗം മൂലം മരിച്ചവരില് ഭൂരിഭാഗവും. ഈ വര്ഷം ഇതുവരെ ലഹരി അനുബന്ധ കേസുകളില് 3000ത്തോളം പേര് അറസ്റ്റിലായതായും അല് ഖബസ് റിപ്പോര്ട്ട് ചെയ്തു. വിവിധ രാജ്യങ്ങളില്നിന്നുള്ള പ്രവാസികളാണ് പിടിയിലായവരില് ഭൂരിഭാഗവും. അടുത്തിടെ ഇതേ കുറ്റത്തിന് 860 പ്രവാസികളെ കയറ്റിയയച്ചിരുന്നു.