കുവൈത്ത് സിറ്റി: കസ്റ്റംസ് വകുപ്പ് നടത്തിയ പരിശോധനയില്‍ ഷുവൈഖ് തുറമുഖത്തുനിന്ന് വന്‍ ലഹരിവസ്തുക്കള്‍ പിടികൂടി. കണ്ടെയ്‌നറില്‍ ഒളിപ്പിച്ച രണ്ട് മില്യന്‍ ലിറിക്ക ഗുളികകളും 7474 കുപ്പി മദ്യവുമാണ് പിടിച്ചെടുത്തത്.
ഏഷ്യന്‍ രാജ്യത്തുനിന്ന് എത്തിയതാണ് ഇവ. സംഭവത്തില്‍ ആവശ്യമായ നിയമനടപടികള്‍ സ്വീകരിച്ചു. രാജ്യത്തേക്ക് ലഹരിവസ്തുക്കള്‍ എത്തിക്കുകയും വിതരണം നടത്തുകയും ചെയ്യുന്നവര്‍ക്കെതിരെ കര്‍ശന നടപടികള്‍ സ്വീകരിക്കുമെന്ന് അധികൃതര്‍ മുന്നറിയിപ്പു നല്‍കി. ലഹരിവസ്തുക്കള്‍ക്കെതിരെ രാജ്യത്ത് പരിശോധന തുടരുകയാണ്.
