കുവൈത്ത് സിറ്റി: ഗാര്ഹിക തൊഴിലാളി റിക്രൂട്ട്മെന്റ് ഓഫിസുകളില് പബ്ലിക് അതോറിറ്റി ഫോര് മാന്പവര് പരിശോധന നടത്തി.
ജോയന്റ് കമ്മിറ്റിയുമായി ഏകോപിപ്പിച്ച് ഹവല്ലി, ഫര്വാനിയ, അഹമ്മദി ഗവര്ണറേറ്റുകളില് നടത്തിയ പരിശോധനയില് നിരവധി നിയമലംഘനങ്ങള് കണ്ടെത്തിയതായി അധികൃതര് അറിയിച്ചു.
22 ഓഫിസുകള്ക്ക് പിഴ ചുമത്തി. 13 തൊഴിലാളികളെ സസ്പെന്ഡ് ചെയ്തു. പിടിയിലായവരെ നാടുകടത്തുന്നതിനായി തൊഴിലാളി അഭയകേന്ദ്രത്തിലേക്കു മാറ്റി. ആറു മാസത്തേക്ക് ഓഫിസ് പെര്മിറ്റുകള് സസ്പെന്ഡ് ചെയ്തു.
നിയമങ്ങളും ചട്ടങ്ങളും ഉറപ്പാക്കുന്നതിന്റെ ഭാഗമായി റിക്രൂട്ട്മെന്റ് ഓഫിസുകളില് തുടര്ച്ചയായ പരിശോധനകള് നടത്തുമെന്ന് അധികൃതര് അറിയിച്ചു. പരിശോധന കര്ശനമാക്കാന് ഒന്നാം ഉപപ്രധാനമന്ത്രിയും ആഭ്യന്തരമന്ത്രിയും ആക്ടിങ് പ്രതിരോധ മന്ത്രിയുമായ ശൈഖ് തലാല് ഖാലിദ് അസ്സബാഹ് ശക്തമായ നിര്ദേശം നല്കിയിട്ടുണ്ട്.