കുവൈത്തില്‍ കഴിഞ്ഞ ആറുമാസത്തിനുള്ളില്‍ സര്‍ക്കാര്‍ ജോലിയില്‍ 10,000 പേര്‍ പ്രവേശിച്ചതായി റിപ്പോര്‍ട്ട്. സ്ത്രീകളും പുരുഷന്മാരും ഉള്‍പ്പെടെയാണ് ഈ കണക്ക്. അല്‍-അന്‍ബ കണക്കുകള്‍ പ്രകാരം, 9786 പേര്‍ വിവിധ മന്ത്രാലയങ്ങളിലും ബന്ധപ്പെട്ട സ്ഥാപനങ്ങളിലും കമ്ബനികളിലും ജോലിയില്‍ പ്രവേശിച്ചു. വിദ്യാഭ്യാസം, വൈദ്യുതി, ജലം എന്നീ മന്ത്രാലയങ്ങളാണ് ഏറ്റവും ഉയര്‍ന്ന തൊഴില്‍ നിരക്ക് രേഖപ്പെടുത്തിയത്.
അതേസമയം, 1454 പുരുഷന്മാരും സ്ത്രീകളും ഈ കാലയളവില്‍ സര്‍ക്കാര്‍ ജോലി ഉപേക്ഷിച്ചു. ആഭ്യന്തര, ആശയവിനിമയ മന്ത്രാലയങ്ങളില്‍ നിന്നുള്ളവരാണ് വിട്ടുപോയവരില്‍ ഭൂരിഭാഗം. തൊഴില്‍ സംബന്ധമായ വിവരങ്ങള്‍ ‘ആശല്‍’ സേവനത്തിലൂടെയും അതോറിറ്റിയുടെ ഇലക്‌ട്രോണിക് സേവനങ്ങളിലൂടെയും ലഭ്യമാണെന്ന് പബ്ലിക് അതോറിറ്റി ഫോര്‍ മാന്‍പവര്‍ അറിയിച്ചു.
