മസ്കത്ത്: ഒമാനില്‍ വ്യാജ ഉല്‍പന്നങ്ങള്‍ വിറ്റതിന് രണ്ട് വാണിജ്യ സ്ഥാപനങ്ങള്‍ക്ക് ഉപഭോക്തൃ സംരക്ഷണ അതോറിറ്റി (സി.പി.എ)1500 റിയാല്‍ പിഴ ചുമത്തി.
ജുഡീഷ്യല്‍ കണ്‍ട്രോള്‍ ഓഫിസര്‍മാരുടെ നേതൃത്വത്തിലായിരുന്നു കടകളിലും വാണിജ്യ കേന്ദ്രങ്ങളിലും പരിശോധന നടത്തിയത്.
ദാഹിറ ഗവര്‍ണറേറ്റിലെ വിവിധ മാര്‍ക്കറ്റുകളിലും വാണിജ്യസ്ഥാപനങ്ങളിലും ഷോപ്പുകളിലും നടത്തിയ പരിശോധനയില്‍ വ്യാജ ഉല്‍പന്നങ്ങള്‍ പിടിച്ചെടുക്കുകയും ഇവര്‍ക്കെതിരെ നിയമനടപടി സ്വീകരിക്കുകയും ചെയ്തു.
ഉപഭോക്താക്കളുടെ ആരോഗ്യവും സുരക്ഷയും മറ്റും കണക്കിലെടുത്താണ് ഉപഭോക്തൃ സംരക്ഷണ അതോറിറ്റിയുടെ നേതൃത്വത്തില്‍ പരിശോധനകള്‍ നടത്തുന്നത്.
