ലണ്ടന്: യു.കെ ജേഴ്സിയിലെ അപ്പാര്ട്ട്മെന്റില് ഗ്യാസ് ചോര്ച്ചയെ തുടര്ന്നുണ്ടായ സ്ഫോടനത്തില് മൂന്ന്പേര് കൊല്ലപ്പെട്ടു. നിരവധിപേരെ കാണാതായി.
ദ്വീപിന്റെ തുറമുഖ തലസ്ഥാനമായ സെന്റ് ഹീലിയറില് ശനിയാഴ്ച പുലര്ച്ചെ നാലോടെയാണ് വാതക ചോര്ച്ചയുണ്ടായത്. തുടര്ന്നുണ്ടായ സ്ഫോടനത്തിലാണ് മരണം സംഭവിച്ചതെന്ന് മുഖ്യമന്ത്രി ക്രിസ്റ്റീന മൂര് വ്യക്തമാക്കി.
മൂന്ന് നിലകളുള്ള കെട്ടിടത്തെ ഒരു തീഗോളം വിഴുങ്ങുന്നത് സുരക്ഷാ ക്യാമറ ദൃശ്യങ്ങളില് പതിഞ്ഞിട്ടുണ്ട്.
സ്ഫോടനത്തിന്റെ ആഘാതത്തില് തന്റെ ഫ്ലാറ്റിന്റെ ജനലുകള് തകര്ന്നുവെന്നും പുറത്ത് എല്ലായിടത്തും തീ ഉണ്ടായിരുന്നുവെന്നും സമീപവാസിയായ ആന്റണി ആബട്ട് പറഞ്ഞു.