കേരള പ്രസ്സ് ക്ലബ്ബ് കുവൈത്ത് സംഘടിപ്പിക്കുന്ന മാധ്യമ സമ്മേളനം നാളെ വൈകിട്ട് ആറിന് സാല്മിയ ഇന്ത്യന് കമ്മ്യൂണിറ്റി സ്കൂള് ഓഡിറ്റോറിയത്തില് നടക്കുമെന്ന് ഭാരവാഹികള് അറിയിച്ചു.
മുതിര്ന്ന മാധ്യമപ്രവര്ത്തകന് ശശികുമാര് മുഖ്യാതിഥിയാകും. മാധ്യമ പ്രവര്ത്തക ഷാനി പ്രഭാകരന് പ്രഭാഷണം നടത്തും. പ്രസ്സ് ക്ലബ്ബ് സ്ഥാപക അംഗവും ഫോട്ടോ ജേര്ണലിസ്റ്റുമായിരുന്ന അന്തരിച്ച ഗഫൂര് മൂടാടിയുടെ സ്മരണാര്ത്ഥം ഏര്പ്പെടുത്തിയ ‘പ്രസ്സ് ഫോട്ടോ അവാര്ഡ്’ ജേതാവിനെ ചടങ്ങില് പ്രഖ്യാപിക്കും.
വാര്ത്താസമ്മേനത്തില് പ്രസിഡണ്ട് മുനീര് അഹമ്മദ്, ജനറല് സെക്രട്ടറി ടി.വി ഹിക്മത്ത്, ട്രഷറര് അനില് കെ. നമ്ബ്യാര്, പ്രോഗ്രാം കണ്വീനര് സത്താര് കുന്നില്, കൃഷ്ണന് കടലുണ്ടി എന്നിവര് പങ്കെടുത്തു.