ഒമാനില് മലമുകളില് നിന്ന് വീണ് ഒരാള്ക്ക് പരിക്കേറ്റു. മസ്കറ്റ് ഗവര്ണറേറ്റില് ഖുറയ്യാത്ത് വിലായത്തിലെ മലമുകളില് നിന്നും വീണയാളെ ഗവര്ണറേറ്റിലെ സിവില് ഡിഫന്സ്, ആംബുലന്സ് ഡിപ്പാര്ട്ട്മെന്റിന്റെ റെസ്ക്യൂ ടീമുകള് എത്തി രക്ഷപ്പെടുത്തുകയായിരുന്നു. ഹെലികോപ്ടറിലെത്തിയാണ് പൊലീസ് സേന രക്ഷാപ്രവര്ത്തനം നടത്തിയത്. ഗുരുതരമായി പരിക്കേറ്റ ഇയാളെ ഒമാന് ആരോഗ്യ മന്ത്രാലയത്തിന് കീഴിലുള്ള ആശുപത്രിയില് പ്രവേശിപ്പിച്ചതായും റോയല് ഒമാന് പൊലീസിന്റെ അറിയിപ്പില് പറയുന്നു.