ഒമാനിലെ പണപ്പെരുപ്പം മുന്‍വര്‍ഷത്തെക്കാള്‍ 1.98 ശതമാനം വര്‍ധിച്ചു. സ്റ്റാറ്റിസ്റ്റിക്സ് ആന്‍ഡ് ഇന്‍ഫര്‍മേഷന്‍ സെന്‍റര്‍ പുറത്തിറക്കിയ റിപ്പോര്‍ട്ടിലാണ് ഭക്ഷ്യവസ്തുക്കള്‍ അടക്കം നിരവധി ഉല്‍പന്നങ്ങള്‍ക്ക് വില വര്‍ധിച്ചതായി കാണിക്കുന്നത്. ഭക്ഷ്യവസ്തുക്കള്‍, ലഹരിയിതര ശീതളപാനീയങ്ങള്‍ എന്നിവക്ക് 5.4 ശതമാനം വര്‍ധനയാണുണ്ടായത്.
റസ്റ്റാറന്‍റ്, ഹോട്ടല്‍ വിലകളില്‍ 4.05 ശതമാനവും ആരോഗ്യ മേഖലയില്‍ 3.82 ശതമാനവും ഫര്‍ണിച്ചര്‍, വീട്ടുപകരണങ്ങള്‍, വീട് അറ്റകുറ്റപ്പണി എന്നിവയില്‍ 2.27 ശതമാനവും അല്ലറ ചില്ലറ ഉല്‍പന്നങ്ങള്‍, സേവനങ്ങള്‍ എന്നിവയില്‍ 1.87 ശതമാനവും വസ്ത്രങ്ങള്‍ പാദരക്ഷകള്‍ എന്നിവക്ക് 1.09 ശതമാനവും വര്‍ധനയുണ്ടായി.
