ഒമാൻ : തൊഴില്‍ നിയമലംഘനം; 15 പ്രവാസികള്‍ പിടിയില്‍
മസ്കത്ത്: തൊഴില്‍ നിയമലംഘനവുമായി ബന്ധപ്പെട്ട് ദോഫാര്‍ ഗവര്‍ണറേറ്റില്‍നിന്ന് 15 പ്രവാസി തൊഴിലാളികളെ തൊഴില്‍ മന്ത്രാലയം അറസ്റ്റ് ചെയ്തു.
ഗവര്‍ണറേറ്റിലെ ജനറല്‍ ഡയറക്ടറേറ്റ് ഓഫ് ലേബര്‍ ഓഫിസിലെ ജോയന്റ് ഇൻസ്പെക്ഷൻ ടീമിന്റെ ഓഫിസ്, റോയല്‍ ഒമാൻ പൊലീസിന്റെയും സാമൂഹിക വികസന മന്ത്രാലയത്തിന്റെയും സഹകരണത്തോടെയാണ് പരിശോധന നടത്തിയത്.
ഗവര്‍ണറേറ്റില്‍ പ്രവാസി തൊഴിലാളികള്‍ നടത്തുന്ന തെരുവു കച്ചവടങ്ങള്‍ക്കും യാചകര്‍ക്കുമെതിരെയായിരുന്നു പരിശോധന. നിയമലംഘകര്‍ക്കെതിരെ നിയമനടപടികള്‍ സ്വീകരിച്ചുവരുകയാണെന്ന് തൊഴില്‍ മന്ത്രാലയം അറിയിച്ചു.
