കുവൈറ്റ് :കുവൈറ്റിലെ പ്രമുഖ മലയാളി വ്യവസായിയും സാമൂഹ്യ പ്രവര്‍ത്തകനുമായിരുന്ന ശ്രീ ജോണ്‍ മാത്യു നാട്ടില്‍ അന്തരിച്ചു. അദ്ദേഹത്തിന് 84 വയസായിരുന്നു. ഏകദേശം 60 വര്‍ഷത്തോളം കുവൈറ്റിലുണ്ടായിരുന്ന അദ്ദേഹം കഴിഞ്ഞ വര്‍ഷം ഓഗസ്റ്റില്‍ പ്രവാസം മതിയാക്കി നാട്ടില്‍ സ്ഥിര താമസമാക്കുകയായിരുന്നു.
അറുപതുകളില്‍ കുവൈറ്റിലെ വൈദ്യുതി-ജല മന്ത്രാലയത്തില്‍ ജീവനക്കാരനായി ചേര്‍ന്ന ജോണ്‍ മാത്യു, പിന്നീട് നിരവധി കമ്ബനികളില്‍ ജോലി ചെയ്യുകയും വ്യവസായിയായി വളരുകയായിരുന്നു. കുവൈറ്റിലെ വിവിധ സ്ഥാപനങ്ങളുടെ ബോര്‍ഡ് അംഗവും മേധാവിയുമായിരുന്ന അദ്ദേഹം കേരള സര്‍ക്കാരിന്റെ നോര്‍ക്ക പദ്ധതിയുടെ ഔദ്യോഗിക പ്രതിനിധിയായും സേവനം ചെയ്തിരുന്നു.
കഴിഞ്ഞ വര്‍ഷം കുവൈറ്റ് വിട്ടശേഷം എറണാകുളത്ത് വിശ്രമജീവിതം നയിക്കുകയായിരുന്നു. രമണിയാണ് ഭാര്യ. മക്കള്‍ അന്ന, സാറ.
