കുവൈത്ത് സിറ്റി: കബ്ദ് റോഡില്‍ വാഹനാപകടത്തില്‍ മലയാളി മരിച്ചു. തിരുവല്ല വെണ്‍പാല സ്വദേശി ടോമി തോമസാണ് (46) മരിച്ചത്.
തിങ്കളാഴ്ച രാവിലെയാണ് അപകടം. ടോമി തോമസ് സഞ്ചരിച്ച കാര്‍ ടാങ്കര്‍ ലോറിയുമായി കൂട്ടിയിടിക്കുകയായിരുന്നു. വര്‍ഷങ്ങളായി കുവൈത്തില്‍ പ്രവാസിയായ ടോമി തോമസ് ജി.ഡി.എം.സി കമ്ബനിയില്‍ സേഫ്റ്റി ഓഫിസറായിരുന്നു. കുടുംബത്തോടൊപ്പം അബ്ബാസിയയിലായിരുന്നു താമസം.
തിങ്കളാഴ്ച രാവിലെ ജോലിസ്ഥലത്തേക്ക് പോകുമ്ബോഴായിരുന്നു അപകടം. ആരിഫ്ജാൻ സെന്ററില്‍ നിന്നുള്ള ഫയര്‍ ഫോഴ്സ് ഉടൻ സഥലത്തെത്തി നടപടികള്‍ സ്വീകരിച്ചു. അപകടത്തില്‍ കാര്‍ പൂര്‍ണമായി തകര്‍ന്നു. ഇരുവാഹനങ്ങളും നേര്‍ക്കുനേര്‍ കൂട്ടിയിടിക്കുകയായിരുന്നു. ടോമി തോമസിന്റെ ഭാര്യ സിനിമോള്‍ സബ ആശുപത്രിയില്‍ പീഡിയാട്രിക് നഴ്സാണ്. മക്കള്‍: അലൻ തോമസ്, കെവിൻ തോമസ്. മൃതദേഹം നാട്ടില്‍ കൊണ്ടുപോകുന്നതിനുള്ള നടപടികള്‍ നടന്നുവരുന്നു.
