മസ്കത്ത്: ഒമാന് ഭരണാധികാരി സുല്ത്താന് ഹൈതം ബിന് താരിഖിന്റെ സന്ദേശം കുവൈത്ത് കിരീടാവകാശി ശൈഖ് മിശ്അല് അല് അഹ്മദ് അല് ജാബിര് അസ്സബാഹിന് കൈമാറി.
ഇരു രാജ്യങ്ങളും തമ്മിലുള്ള സാഹോദര്യ ബന്ധങ്ങളും അവ പ്രോത്സാഹിപ്പിക്കുന്നതിനുള്ള മാര്ഗങ്ങളും പൊതുതാല്പര്യമുള്ള മറ്റു വിഷയങ്ങളുമായിരുന്നു കത്തില്. ബുധനാഴ്ച നടന്ന കൂടിക്കാഴ്ചയില് കുവൈത്തിലെ ഒമാന് അംബാസഡര് ഡോ. സാലിഹ് ബിന് അമര് അല് ഖറൂസി വിദേശകാര്യമന്ത്രി ശൈഖ് സലീം അബ്ദുല്ല അല് ജാബിര് അസ്സബാഹിനാണ് സന്ദേശം കൈമാറിയത്.