മസ്കത്ത്: രാജ്യത്ത് ഹജ്ജ് തീര്ഥാടനത്തിനുള്ള രജിസ്ട്രേഷന് ഫെബ്രുവരി ഇരുപത്തിയൊന്നുമുതല് ആരംഭിക്കുമെന്ന് ഒമാന്. ഒമാന് മത കാര്യമന്ത്രാലയമാണ് ഇതു സംബന്ധിച്ച് അറിയിച്ചത്. https;// haj.com/ പോര്ട്ടല് മുഖേനയാണ് അപേക്ഷിക്കേണ്ടത്. മാര്ച്ച് നാലുവരെ അപേക്ഷകള് സ്വീകരിക്കുന്നതാണ്.
14,000 പേര്ക്കാണ് ഈ വര്ഷം ഹജ്ജിന് അവസരം ലഭിക്കുകയെന്നാണ് അധികൃതര് അറിയിക്കുന്നത്. കഴിഞ്ഞ വര്ഷത്തേതിനേക്കാള് രാജ്യത്തുനിന്നുള്ള ഹജ്ജ് തീര്ത്ഥാടകരുടെ എണ്ണത്തില് വര്ധനവ് രേഖപ്പെടുത്തുന്നതായും ഒമാന് അറിയിച്ചു. രാജ്യത്തുനിന്നും കൂടുതല് പ്രവാസികള്ക്ക് ഹജ്ജ് നിര്വ്വഹിക്കുന്നതിന് അവസരമൊരുക്കുമെന്നും ഒമാന് അറിയിച്ചു.
അതേസമയം രാജ്യത്തുനിന്നുള്ള ഹജ്ജ് തീര്ത്ഥാടകരുടെ ക്വാട്ടയില് ഇത്തവണയും വര്ധനവ് പ്രഖ്യാപിച്ചിട്ടില്ല. ഹജ്ജ് അനുഷ്ഠിക്കാന് അവസരം ലഭിക്കുന്ന വിദേശികളുടേയും സ്വദേശികളുടെയും വേര്തിരിച്ച കണക്കുകള് ലഭ്യമാകാനിരിക്കുകയാണ്.