കുവൈത്ത് സിറ്റി: എയര് ഇന്ത്യ എക്സ്പ്രസ് മാര്ച്ചില് 6, 13 ദിവസങ്ങളിലെ കോഴിക്കോട്, കുവൈത്ത് സര്വിസ് റദ്ദാക്കി. സര്വിസ് റദ്ദാക്കാനുള്ള കാരണം വ്യക്തമല്ല.
ഈ ദിവസങ്ങളില് കോഴിക്കോട്ടുനിന്ന് രാവിലെ കുവൈത്തിലേക്കുള്ള സര്വിസും തിരിച്ച് കുവൈത്തില്നിന്ന് കോഴിക്കോട്ടേക്കുമുള്ള സര്വിസും ഉണ്ടാകില്ല. മാര്ച്ചിലെ ആദ്യ രണ്ട് ചൊവ്വാഴ്ചകളിലെ സര്വിസാണ് റദ്ദാക്കിയത്.
ഈ മാസം ആദ്യത്തില് കുവൈത്തില്നിന്ന് കണ്ണൂരിലേക്കും കോഴിക്കോട്ടേക്കുമുള്ള ഷെഡ്യൂളുകള് ഒരു ദിവസം എയര് ഇന്ത്യ എക്സ്പ്രസ് റദ്ദാക്കിയിരുന്നു. ഇതിനു പിറകെയാണ് മാര്ച്ചിലെ പുതിയ റദ്ദാക്കല്. യു.എ.ഇയില്നിന്ന് കോഴിക്കോട്ടേക്കുള്ള നാല് എയര് ഇന്ത്യ വിമാനങ്ങളുടെ ബുക്കിങ് എയര് ഇന്ത്യ അവസാനിപ്പിച്ചിട്ടുണ്ട്. മാര്ച്ച് 27 മുതല് ഈ സര്വിസുകളുടെ ബുക്കിങ് സ്വീകരിക്കില്ലെന്നാണ് അറിയിപ്പ്.