കുവൈത്ത് സിറ്റി: ഫലസ്തീനിലെ കുവൈത്ത് അംബാസഡര്‍ അസീസ് അല്‍ ദൈഹാനിക്ക്, ഫലസ്തീന്‍ പ്രസിഡന്റ് മഹ്മൂദ് അബ്ബാസിന്റെ പ്രത്യേക അംഗീകാരം.
ഉഭയകക്ഷിബന്ധങ്ങള്‍ക്കു നല്‍കിയ സംഭാവനകള്‍ക്കുള്ള അംഗീകാരമായി ഓണററി ഓര്‍ഡര്‍ നല്‍കിയാണ് ആദരിച്ചത്. ഉഭയകക്ഷിബന്ധങ്ങളുടെ വികസനത്തിന് കുവൈത്ത് പ്രതിനിധി വലിയ സംഭാവന നല്‍കിയതായി ജോര്‍ഡനിലെ ഫലസ്തീന്‍ എംബസിയില്‍ നടന്ന ചര്‍ച്ചക്കിടയില്‍ മഹ്മൂദ് അബ്ബാസ് പറഞ്ഞു. ഫലസ്തീനികള്‍ക്കുള്ള കുവൈത്തിന്റെ ഉറച്ച പിന്തുണയില്‍ അദ്ദേഹം നന്ദി രേഖപ്പെടുത്തി. ‘ജറൂസലമിന്റെ നക്ഷത്രം’എന്നറിയപ്പെടുന്ന ഓണററി ഓര്‍ഡര്‍ ലഭിച്ചതില്‍ സന്തോഷമുണ്ടെന്നും ഫലസ്തീനികള്‍ക്കുള്ള കുവൈത്തിന്റെ ചരിത്രപരവും അതിശക്തവുമായ പിന്തുണയുടെ തെളിവാണ് ഈ അംഗീകാരമെന്നും അംബാസഡര്‍ അസീസ് അല്‍ ദൈഹാനി പറഞ്ഞു.
