കുവൈറ്റ്: ആത്മഹത്യാ ശ്രമത്തിന് ഇരയായവരെ നാടുകടത്തുന്നത് നിയമവിരുദ്ധമാണെന്നും ആത്മഹത്യാശ്രമം കുറ്റകരമല്ലെന്നും കുവൈറ്റ് കോളേജ് ഓഫ് ലോയി അസിസ്റ്റന്റ് പ്രൊഫസര്‍ ഫവാസ് അല്‍ ഖത്തീബ് .ആത്മഹത്യാശ്രമം ആര്‍ട്ടിക്കിള്‍ 158 പ്രകാരം മൂന്ന് വര്‍ഷം വരെ തടവ് ശിക്ഷ ലഭിക്കാവുന്ന കുറ്റമാണ്.
അതേസമയം കുറ്റവാളി മാനസിക സാഹചര്യങ്ങളുടെ ഇരയാണെന്നും അല്‍ ഖത്തീബ് പ്രസ്താവനയില്‍ കൂട്ടിച്ചേര്‍ത്തു. നാടുകടത്തിക്കൊണ്ട് ആത്മഹത്യയ്ക്ക് ശ്രമിക്കുന്നവരെ ഭയപ്പെടുത്തുന്നതിന് പകരം നിയമപരമായ കടമകള്‍ നിര്‍വഹിക്കാന്‍ ആഭ്യന്തര മന്ത്രാലയത്തോട് അല്‍-ഖത്തീബ് ആവശ്യപ്പെട്ടു.
അവരെ മെഡിക്കല്‍, സൈക്യാട്രിക് പരിശോധനയ്ക്കും വിലയിരുത്തലിനും റഫര്‍ ചെയ്തുകൊണ്ട് നിയമം സജീവമാക്കുകയും നിര്‍ബന്ധിത മെന്റല്‍ ഹെല്‍ത്ത് പരിശോധനകള്‍ക്ക് പ്രവേശിപ്പിക്കുയും വേണം .
റെസിഡന്‍സ് നിയമത്തിലെ ആര്‍ട്ടിക്കിള്‍ 16 ആത്മഹത്യാശ്രമം ഉള്‍പ്പെടെയുള്ള പ്രത്യേക കേസുകള്‍ തിരിച്ചറിഞ്ഞതിനാല്‍ നാടുകടത്തല്‍ തീരുമാനവും നിയമത്തിന് വിരുദ്ധമാണെന്ന് അദ്ദേഹം കൂട്ടിച്ചേര്‍ത്തു.
