കുവൈറ്റ്: കുവൈത്തില് മൈ ഐഡന്റിറ്റി ആപ്ലിക്കേഷനില് ഡിജിറ്റല് ഡ്രൈവിംഗ് ലൈസന്സും ജനന സര്ട്ടിഫിക്കറ്റ് അടക്കം രണ്ടു രേഖകള് കൂടി ചേര്ക്കുന്നതായി
പൊതുമരാമത്ത് മന്ത്രിയും കമ്മ്യൂണിക്കേഷന്സ് ആന്ഡ് ഇന്ഫര്മേഷന് ടെക്നോളജി സഹമന്ത്രിയുമായ ഡോ. റാണ അല്-ഫാരിസ്പ്രഖ്യാപിച്ചു.
സര്ക്കാര് രേഖകള് ഡിജിറ്റൈലൈസ് ചെയ്യുന്നതിനും ആഭ്യന്തര, ആരോഗ്യ മന്ത്രാലയങ്ങളുമായി പബ്ലിക് അതോറിറ്റി ഫോര് സിവില് ഇന്ഫര്മേഷന് സംയുക്തമായി സഹകരിക്കുന്നതിനുമുള്ള ഒരു ചുവടുവെപ്പാണ് ഈ നടപടിക്രമമെന്ന് മന്ത്രി അല്-ഫാരെസ് ഇന്ന് ഞായറാഴ്ച ഒരു പത്രപ്രസ്താവനയില് പറഞ്ഞു.
ഡിജിറ്റല് ഡ്രൈവിംഗ് ലൈസന്സ് കാണിക്കുന്നതിനും പരമ്ബരാഗതമായത് നിലനിര്ത്തുന്നതിനുമുള്ള “മൈ ഐഡന്റിറ്റി” ആപ്ലിക്കേഷനില് നിന്ന് കൂടുതല് പ്രയോജനം നേടുന്നതിന് ഈ പ്രക്രിയ വ്യക്തികളെ പ്രാപ്തരാക്കുമെന്ന് അവര് കൂട്ടിച്ചേര്ത്തു.
ഡിജിറ്റല് ജനന സര്ട്ടിഫിക്കറ്റ്, കൊറോണ വൈറസ് വാക്സിനേഷന്റെ മൂന്നാം ഡോസ് സ്വീകരിച്ചതിന്റെ തെളിവ്, “ക്യുആര്” കോഡ് വഴി ഡിജിറ്റല് ഡോക്യുമെന്റിന്റെ ആധികാരികത പരിശോധിക്കാനുള്ള കഴിവ് എന്നിവ വ്യക്തികള്ക്ക് നേട്ടമായിരിക്കുമെന്ന് അവര് പറഞ്ഞു.
“മൈ ഐഡന്റിറ്റി” ആപ്ലിക്കേഷന് സര്ക്കാര് രേഖകളുടെ ഡിജിറ്റല് പോര്ട്ട്ഫോളിയോ ആക്കി മാറ്റുന്നതിനുള്ള സുപ്രധാന നടപടികളുണ്ടെന്ന് അവര് സൂചിപ്പിച്ചു, സമീപഭാവിയില് വാഹന ഉടമസ്ഥാവകാശ ബുക്കും(ദഫ്തര്) മറ്റ് സര്ക്കാര് രേഖകളും ആപ്പില് ചേര്ക്കുന്നതിനുള്ള പ്രവര്ത്തനങ്ങള് നടക്കുന്നുണ്ടെന്ന് ഊന്നിപ്പറഞ്ഞു.