ജിദ്ദ ∙ വികസനത്തിന്റെ ഭാഗമായി ഷറഫിയയും മുഖഛായ മാറുന്നു. ഇതേ തുടര്ന്ന് പഴയ കെട്ടിടങ്ങള് പൊളിക്കാനാരംഭിച്ചു .
ഷറഫിയ്യയില് മലയാളികള് ഒത്ത് കൂടുന്ന സ്ഥലങ്ങളില് പലതും ഇതിനകം പൊളിച്ചു. കാലപ്പഴക്കം ചെന്നതും അനധികൃതമായി നിര്മിച്ചതുമായ എല്ലാ കെട്ടിടങ്ങളും പൊളിക്കാന് നിര്ദേശം ലഭിച്ചതായാണ് അറിയുന്നത്.
വിദേശികളടക്കം താമസിക്കുന്നതും കച്ചവടം നടത്തുന്നതുമായ ജിദ്ദ ഗുലൈലില് കെട്ടിടങ്ങള് മുഴുവനായും പൊളിച്ചു. അലഗ പച്ചക്കറി മാര്ക്കറ്റിന് സമീപവും കഴിഞ്ഞ ദിവസങ്ങളില് കെട്ടിടങ്ങള് പൊളിക്കല് തുടങ്ങിയിട്ടുണ്ട്. രണ്ടു ദിവസം മുമ്ബാണ് കെട്ടിടങ്ങള് പൊളിക്കുമെന്ന അറിയിപ്പ് കട ഉടമകള്ക്ക് ലഭിച്ചത്. ഉടന് തന്നെ ഇവ പൊളിക്കലും തുടങ്ങി. ഇതേ തുടര്ന്ന് നിരവധി കച്ചവടക്കാരും താമസക്കാരുമാണ് ദുരിതത്തിലായത് .ഓരോ സ്ഥലങ്ങളിലും കെട്ടിടം പൊളിക്കുമ്ബോള് പുതിയ കെട്ടിടങ്ങളിലേക്ക് മാറുകയാണ് നിലവില് പ്രവാസികള്.