കുവൈത്ത്: ‘ താമസ നിയമം ലംഘിച്ച് രാജ്യത്ത് തുടരുന്നവര്ക്ക് ഇനി പൊതുമാപ്പുണ്ടാകില്ലെന്ന് കുവൈത്ത് ആഭ്യന്തര മന്ത്രാലയം. രേഖകള് ഇല്ലാത്തവര് പിഴ അടച്ച് രാജ്യം വിട്ടാല് പുതിയ വിസയില് തിരികെ വരുന്നതിന് നിലവില് അവസരമുണ്ടെന്നും അധികൃതര് അറിയിച്ചു.
അതെ സമയം നിയമലംഘകരെ കണ്ടെത്താനുള്ള പരിശോധനകള് വീണ്ടും സജീവമാക്കാനുള്ള നീക്കത്തിലാണ് അധികൃതര്. രാജ്യമെങ്ങും പരിശോധന നടത്തി മുഴുവന് താമസനിയമലംഘകരെയും കണ്ടെത്തി നാടുകടത്താനാണ് മന്ത്രാലയത്തിന്റെ നീക്കം. പിടിയിലാകുന്നവരെ വിരലടയാളം രേഖപ്പെടുത്തിയ ശേഷമാണ് നാടുകടത്തുക . ഇതോടെ കുവൈത്തില് ഇവര്ക്ക് ആജീവനാന്ത പ്രവേശനവിലക്കും രാജ്യങ്ങളില് അഞ്ചു വര്ഷത്തെ വിലക്കും നേരിടേണ്ടി വരും.
അതെ സമയം സ്വമേധയാ മുന്നോട്ടുവന്ന് ആവശ്യമായ പിഴ അടച്ചു നാട്ടിലേക്ക് പോകുന്നവര്ക്ക് പുതിയ വിസയില് വരുന്നതിന് തടസ്സമുണ്ടാകില്ലെന്നും അധികൃതര് വ്യക്തമാക്കി.