കുവൈത്ത് സിറ്റി: വിദേശകാര്യ മന്ത്രി ശൈഖ് സലീം അബ്ദുല്ല അല് ജാബിര് അസ്സബാഹ് ഉസ്ബകിസ്താന് വിദേശകാര്യ മന്ത്രി വ്ലാദിമിര് നൊറോവുമായി കൂടിക്കാഴ്ച നടത്തി.
ബകുവില് ചേരുന്ന ചേരിചേരാ പ്രസ്ഥാന ഉച്ചകോടിയുടെ ഭാഗമായാണ് കൂടിക്കാഴ്ച നടന്നത്. ഉഭയകക്ഷിബന്ധങ്ങള്, പൊതുതാല്പര്യമുള്ള വിവിധ സുപ്രധാന മേഖലകള്ക്കുള്ള ചട്ടക്കൂടുകള്, അഫ്ഗാനിസ്താന്, യുക്രെയ്ന് പ്രതിസന്ധി തുടങ്ങി നിലവിലെ സംഭവങ്ങള് ഉള്പ്പെടെ സമീപകാല പ്രാദേശിക, അന്തര്ദേശീയ സംഭവവികാസങ്ങള് ഇരുവരും ചര്ച്ചചെയ്തു.
സെര്ബിയന് വിദേശകാര്യ മന്ത്രി നിക്കോള സെലാകോവിച്ചുമായും വിദേശകാര്യ മന്ത്രി കൂടിക്കാഴ്ച നടത്തി. ഉഭയകക്ഷിബന്ധവും എല്ലാ മേഖലകളിലെയും സഹകരണവും ഇവ മെച്ചപ്പെടുത്തുന്നതിനുള്ള വഴികളും പ്രാദേശിക-അന്തര്ദേശീയ സംഭവവികാസങ്ങളും ഇരുവരും ചര്ച്ചചെയ്തു.