മസ്കത്ത്: ഇറാനിയന് നഗരമായ മശ്ഹദിലേക്കും കസാഖ്സ്ഥാനിലെ അല് മാതിയിലേക്കും പുതിയ വിമാന സര്വീസുകള് നടത്താന് ഒമാന്റെ ബജറ്റ് എയര്ലൈനായ സലാം എയര്. ഇറാനിലെ സലാം എയറിന്റെ മൂന്നാമത്തെ സെക്ടറും കസാഖ്സ്ഥാനിലെ ആദ്യ സര്വീസുമാണിത്.
ഈ മാസം 21നാണ് മസ്കത്തില് നിന്ന് മശ്ഹാദിലേക്ക് സര്വീസ് ആരംഭിച്ചത്. അല് മാതിയിലേക്കുള്ള സര്വീസ് ജൂലൈ ഒന്ന് മുതല് ആരംഭിക്കും. ഇരു രാജ്യങ്ങളിലേക്കും സഞ്ചാരികളുടെ എണ്ണം വര്ദ്ധിച്ചതിനാലാണ് പുതിയ സര്വീസ് ആരംഭിച്ചതെന്ന് സലാം എയര് അധികൃതര് പറഞ്ഞു.