കുവൈത്തിലെ ജലീബ് അല് ശുയൂഖ് ഏരിയയില് ജനറല് അഡ്മിനിസ്ട്രേഷന് ഓഫ് റെസിഡന്റ്സ് അഫയേഴ്സ് നടത്തിയ പരിശോധനയില് തൊഴില് നിയമങ്ങള് ലംഘിച്ച 13 പേര് പിടിയിലായി.
വിവിധ രാജ്യങ്ങളില് നിന്നുള്ളവരാണിവര്. മറ്റൊരു സംഭവത്തില് വഴിയോരക്കച്ചവടക്കാരനും ഭിക്ഷക്കാരനും അറസ്റ്റിലായതായും ആഭ്യന്തരമന്ത്രാലയം അറിയിച്ചു.
പിടിയിലായവര്ക്കെതിരെ നടപടികള് സ്വീകരിക്കുന്നതിനായി ബന്ധപ്പെട്ട അധികാരികള്ക്ക് കൈമാറി. റമദാനില് യാചകര്ക്കെതിരായ പരിശോധന അധികൃതര് ശക്തമാക്കിയിട്ടുണ്ട്. രാജ്യത്ത് യാചന നിയമംമൂലം നിരോധിച്ചിട്ടുണ്ട്.